Əqli Mülkiyyət Agentliyinin nümayəndəsi Çində beynəlxalq tədbirdə iştirak edib - (+FOTOLAR)

Əqli Mülkiyyət Agentliyinin nümayəndəsi Çində beynəlxalq tədbirdə iştirak edib (+FOTOLAR)

 AZpress.AZ xəbər verir ki, aprelin 13-dən 20-dək Çin Xalq Respublikasının paytaxtı Pekin şəhərində ənənəvi doqquzuncu beynəlxalq film festival keçirilib. Festival çərçivəsində 16-17 aprel tarixlərində Ümumdünya Əqli Mülkiyyət Təşkilatının (ÜƏMT) təşkilatçılığı ilə “Film və müəlliflik hüququ: imkanlar və çətinliklər” mövzusunda beynəlxalq forum da təşkil olunub.

Tədbirə ÜƏMT-nin Baş direktorunun müavini xanım Vanq Binyinq, Çinin Milli Müəllif Hüquqları Administrasiyasının Müəlliflik hüququ şöbəsinin baş direktoru cənab Yu Cike, Pekin Müəllif Hüquqları Bürosunun baş direktoru cənab Vanq Yefei, o cümlədən Çinin müxtəlif təşkilatlarının və on beş ölkənin nümayəndələri qatılıb. Forumda Azərbaycan Respublikasının Əqli Mülkiyyət Agentliyinin Beynəlxalq əlaqələr və informasiya şöbəsinin müdir müavini Elnur Məmmədlidə iştirak edib.

Beynəlxalq forumda “Film və müəlliflik hüququ: hüquqi prinsiplərdən istehlakçılara qədər”, “Film və mədəniyyət: filmlər mədəni müxtəlifliyin səfirləri kimi – siyasi yanaşmalar və strategiyalar”, “Audiovizual ifalara dair Pekin Müqaviləsinin rolu və faydaları”, “Film və kreativ sənaye: film və televiziya sənayesinin çətinlikləri və imkanları”, “Kreativ sənayelərin inkişafının təşviq edilməsi: ən yaxşı təcrübələr və biznes modellərinin yaradılması” və s. mövzular ətrafında müxtəlif çıxışlar və təqdimatlar olmuş, Pekin beynəlxalq film festivalı və Beynəlxalq müəlliflik hüququ ticarət sərgisinə, o cümlədən “IQIYI Technology” və “Tencent Technology” şirkətlərinə səfərlər təşkil edilmişdir.

Tədbirin əsas məqsədlərindən biri “Audiovizual ifalara dair Pekin Müqaviləsi”nin hüquqi prinsiplərihaqqında ÜƏMT-nin üzv-dövlətlərinin nümayəndələrinə daha çox məlumat vermək, rəqəmli şəbəkələrdə audiovizual ifaların qorunması qorunması üzrə yeni beynəlxalq normaların tətbiqinin bu sahədə çalışan şəxslərin hüquqlarının qorunması və iqtisadi fayda əldə etmələrinin təbliğ edilməsi olmuşdur.

Müzakirələr zamanı Agentliyin nümayəndəsi tərəfindən ölkəmizdə son vaxtlar əqli mülkiyət sahəsində həyata keçirilən tədbirlər, o cümlədən instutisional islahatlar və bir sıra qanunvericilik aktlarına dəyişikliklər edilməsi barədə məlumat verilib.

Qeyd etmək lazımdır ki, “Audiovizual ifalara dair Pekin Müqaviləsi” 2012-ci iliyunun 24-də Pekin şəhərində ÜƏMT tərəfindən keçirilən diplomatik konfransda qəbul edilib. Müqavilənin qüvvəyə minməsi üçün 30 dövlət tərəfindən ratifikasiya etməsi və ya qoşulması tələb olunur. Hazırda belə dövlətlərin sayı 26-dır.Pekin Müqaviləsinin qüvvəyə minməsi ilə audiovizual ifaların qorunması sahəsində yeni beynəlxalq normaların tətbiqinə başlanılacaq.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

                          

***************************************************************************
 
T Ə D B İ R L Ə R İ N İ Z İ N
   V   İ   D   E   O    +    F   O   T   O    
ç  ə  k  i  l  i  ş
-lərini
aparmaq və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
Əlaqə üçün : Telefon + WhatsApp : 050 331 1111
 
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !