BİR DƏRD... - - Əbülfət Mədətoğlu

BİR DƏRD... - Əbülfət Mədətoğlu

BİR DƏRD

 

Çeşidi nə çoxdur dərdlərin, Allah
Az qala hər insan özü bir dərddi...
Tüstünün küləklə oyunu vallah-
Dodağın sürüşən sözü bir dərddi!

 

Qovuşa bilmirsə gecə-gündüzə
Kim durub yazacaq başdan gün,Bizə?!
Elə baxa-baxa bu günümüzə-
Guya yaşamaq da, düzü, bir dərddi...

 

Mənim sevgi Tanrım - mənim Qadınım!
Mənası düz gəlmir günlə, adımın...
Mənim doğmam ilə, mənim yadımın-
Astarı bir dərddi, üzü bir dərddi...

 

Xırmanım sovrulub, əkinim örən...
İçimdə "Əlvida!" adlı bir törən...
Deyən olacaqmı, nə vaxtsa görən-
Küllüyü bir dərddi, közü bir dərddi...

 

Ölçüyə gəlmir ki, dərdim batmanla...
Sınıb çiliklən Sən, amma qatlanma!
Əbülfət, boyundan hündür atlanma-
Sənim kimilərin yüzü bir dərddi! 

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )