Ağcabədidə regional müşavirə keçirilmişdir - +FOTOLAR (AZpress.AZ – Mais İbrahimov, Ağcabədi)

Ağcabədidə regional müşavirə keçirilmişdir +FOTOLAR (AZpress.AZ – Mais İbrahimov, Ağcabədi)

https://www.facebook.com/groups/232461030668048/ 

 

Aprel ayının 11 -də Ağcabədi rayonunda regional müşavirə keçirilmişdir.
Regional müşavirənin işində Baş Nazirin müavini, Yeni Azərbaycan Partiyası sədrinin müavini- icra katibi Əli Əhmədov, 82 saylı Ağcabədi seçki dairəsindən Milli Məclisə Millət vəkili seçilmiş Tahir Rzayev, 48 saylı Yevlax şəhər seçki dairəsindən Milli Məclisə Millət vəkili seçilmiş İlham Məmmədov, 118 saylı Ağdam şəhər seçki dairəsindən Milli Məclisə Millət vəkili seçilmiş Bəxtiyar Əliyev, 119 saylı Ağdam kənd seçki dairəsindən Milli Məclisə Millət vəkili seçilmiş Bəxtiyar Sadıqov, 124 saylı Şuşa- Ağdam-Xocalı- Xocavənd seçki dairəsindən Milli Məclisə Millət vəkili seçilmiş Elman Məmmədov, habelə YAP Mingəçevir, Yevlax şəhər, Goranboy, Tərtər, Bərdə, Ağdam, Xocalı, Laçın, Ağcabədi rayon təşkilatlarının sədrləri və fəalları iştirak etmişlər.
AZpress.AZ- ın bölgə müxbiri xəbər verir ki, tədbir iştirakçıları əvvəlcə Ulu Öndər Heydər Əliyevin abidəsini ziyarət edərək abidə önünə tər çiçək dəstələri düzərək onun əziz xatirəsini ehtiramla yad etdilər.
Müşavirəni giriş sözü ilə Yeni Azərbaycan Partiyası Siyasi Şurasının üzvü, Ağcabədi rayon İcra Hakimiyyətinin Başçısı Şahin Məmmədov açaraq qonaqları salamladı. O qeyd etdi ki, bu gün 11 aprel 2018-ci il tarixdə keçirilən Azərbaycan Respublikası Prezidenti seçkilərinin 1 ili tamam olur. Seçkilərdən keçən müddət ərzində Azərbaycan Respublikasının Prezidenti, Ulu Öndərin siyasi varisi cənab İlham Əliyevin rəhbərliyi ilə ölkəmizdə çox böyük işlər görülmüş, uğurlara imza atılmışdır. Respublikamızda həyata keçirilən islahatlar nəticəsində əhalinin maddi rifah halı daha da yaxşılaşmış, ölkəmizin beynəlxalq aləmdə nüfuzu yüksəlmişdir.
Ölkə Prezidenti cənab İlham Əliyevin cari ilin əvvəllərindən başlayaraq ardıcıl olaraq verdiyi sərəncamlar əhalinin aztəminatlı təbəqəsinin, xüsusən məcburi köçkün və qaçqınların maddi rifah halının yaxşılaşması üçün böyük stimul yaratmışdır.
Müşavirədə Baş Nazirin müavini, Yeni Azərbaycan Partiyası sədrinin müavini- icra katibi Əli Əhmədov məruzə edərək son illər ölkə rəhbəri cənab İlham Əliyevin rəhbərliyi altında həyata keçirilən islahatlar, bunun nəticəsində ölkə dxilində qazanılan uğurlar, həyatın bütün sahələrində əldə edilmiş nailiyyətlər barədə geniş məlumat vermişdir. Minimum əmək haqqının, pensiya və müavinətlərin artırılması, məcburi köçkün və onlara bərabər tutulan şəxslər üçün vahid aylıq müavinətin 50 faiz artırılması vətəndaşların sosial müdafiəsinin gücləndirilməsinə böyük təkan vermişdir.Bütün bu sərəncamlar əsası Ulu Öndər tərəfindən qoyulmuş və ardıcıl olaraq həyata keçirilən islahatlar nəticəsində formalaşan büdcə gəlirləri sayəsində mümkün olmuşdur.
2004-cü ildən bu günədək ölkədə 2 milyona yaxın yeni iş yeri açılıb və insanlar işlə təmin olunublar.Son illər işsiz və işaxtaran vətəndaşların xeyli hissəsi özünüməşğulluq proqramına cəlb olunmuş, lazımi aktivlərlə təmin edilmişlər. Bu gün Azərbaycanda elektrik enerjisi, qaz və su problemi yoxdur. Bölgələrdə yeni içməli su təchizatı və kanalizasiya sistemləri qurulur, yollar çəkilir, əhalinin rifah halının yaxşılaşması üçün böyük layihələr həyata keçirilir.
Qazanılan uğurları gözü götürməyən, xaricdən maliyələşən bir qrup müxalif ünsür kütləvi informasiya vasitələrində, xüsusən sosial şəbəkələrdə təhrif olunmuş məlumatlar yayır, azərbaycandakı inkişafa və sabitliyə qara yaxmaqla ölkədəki sabitliyə xələl gətirmək istəyirlər. Çox yaxşı haldır ki, belələri azdır. Azərbaycan xalqı bütövlükdə yaxşını pisdən seçməyi bacarır, Prezident İlham Əliyevin siyasətini dəstəkləyir, xalqla ölkə rəhbərliyinin sarsılmaz birliyə malik olduğunu nümayiş etdirirlər.
Tədbirdə Milli Məclisin deputatı Bəxtiyar Sadıqov, YAP Bərdə rayon təşkilatının sədri Fəqət Şadlinskaya, Milli Məclisin deputatı Tahir Rzayev, YAP Tərtər rayon təşkilatının sədri Ramiz Şabanov, YAP Ağdam rayon təşkilatının sədri Allahverən Əliyev çıxış edərək Cənab Prezidentin son dövrlər verdiyi fərmanların əhalinin əksər təbəqələrini əhatə etdiyini, xüsusən məcburi köçkün və şəhid ailələrinin maddi təminatının xeyli yaxşılaşdığını diqqətə çatdırmışlar.
Çıxışlarda vurğulanmışdır ki, Cənab Prezidentin verdiyi sərəncamlar əsasında 600 min işçinin əmək haqqı artırılıb, 223 min insanın sosial təminatı yaxşılaşdırılıb, minimum əmək haqqı 38 faiz, minimum pensiyalar 37 faiz, şəhid ailəsinə verilən təqaüd 25 faiz artırılıb, 100 minə yaxın tələbənin təqaüdü artırılıb. Əfqanıstan müharibəsi veteranlarına verilən mavinət 300 manata qaldırılıb, problemli kreditlərlə bağlı güzəştlərfən 800 minə, çoxmənzilli binalardakı mənzil mülkiyətçiliyi ilə bağlı problemin həllindən 400 minə yaxın insan yararlanıb. Bütövlükdə 3 milyon insan dövlətin sosial təşəbbüslərinin icrasından faydalanmışlar .
Müşavirəni Yeni Azərbaycan Partiyası Siyasi Şurasının üzvü, Ağcabədi rayon İcra Hakimiyyətinin başçısı Şahin Məmmədov yekunlaşdıraraq qeyd etdi ki, Ölkə .Prezidenti cənab İlham Əliyev tərəfindən Regionların sosial-iqtisadi inkişafı sahəsində verilən fərmanlara müvafiq olaraq son dövrlər Ağcabədidə böyük abadlıq-quruculuq işləri görülmüş, əksər yaşayış məntəqələri qazlaşdırılmış, yollar çəkilmiş, Ağcabədi şəhərində su və kanalizasiya çəkilişi layihəsi demək olar ki, başa çatmış, yeni iş yerləri açılmış, kənd təsərrüfatı sahəsində mühüm irəliləyişlərə nail olunmuş, əhalinin pul gəlirləri əsaslı şəkildə artmış, firavan həyat üçün lazımi şərait yaradılmışdır. Məhz bu amillərə görə Ağcabədililər daim Prezidenti dəstəkləyir, həmişə onun yanında olduğunu nümayiş etdirirlər.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !