Səmərqənddə usta Əlinin türbəsi önündə... - - Sona Vəliyeva

Səmərqənddə usta Əlinin türbəsi önündə... - Sona Vəliyeva

https://www.facebook.com/groups/604248139738662/ 

 

Azanın göy qapısın

döyən vaxtı,

Şahi-Zindədə,

qərib bir məzar önündə

əl-ayağı tikan-tikan

Səmərqəndi tikən, quran

Usta Əlinin məzarı önündəyəm...

 

Ruhum axşam azanına qoşulub,

bir qəribin dərdlərini zikr edir:

"Təbriz yolu dərbədər"

Bu qəribi kim gəzər...

Ata-övlad doğmalığı,

ülfətiylə,

sehrləndim bir məzarın

önündəcə...

Ağı demək istədim,

kilidləndi dilimdə...

"Təbriz üstü Miyana",

"Təbrizin küçələri dolanbadolan",

"Təbriz aralı, könlüm yaralı".

Təbrizdən çox-çox aralı

Əli qızıl əllərlə,

Əli yaralı qəlblə

Təbrizin həsrətini,

tale hekayətini,

Daşa, naxışa yazıb...

Hər buta, kaşı üstə

göz yaşına bükülən

gecə-gündüz yarısı...

Əli ürək yağıyla

əks etdiyi butada

gizli, sirli naxışda

Təbrizdə gözü yaşlı

gəzər tale yarısın...

Göy rəng Tanrı qapısı,

göy çiçək, sarı çiçək,

boynu bükük bənövşə,

köksü xallı laləni

kaşı üstə düzərək

minarə bürc ucaldıb,

fələkdən öcün alıb,

Tarix yaradıb Əli...

Ən uca günbəz üstə

səpələnən naxışlar

rəngli məktuba döndü,

dərdli məktuba döndü,

hər çəkilən azanla

Tanrı qapısın döydü...

Alın yazısımı bu?

Səmərqənd qızıl qəfəs,

Əli bülbül qəfəsdə...

Ucaltdığı abidədə

qərib ah-zarı var.

Qarşıda çinar üstə

bülbül susqun oturar

oxu, min illər sonra

oxu, bülbülüm, oxu,

bəlkə...

"Bəlkələr" - ümid dolu

bəlkələr ömür olur.

Gözü yaşlı qəribin

kül qalaq arzuları

içi köz-köz alışır,

kaşı-kaşı, naxış-naxış

Təbriz dərdi tarix olur,

daşlar dil-dil danışır.

Solğun payız günündə

Allah, bu nə çiçəkdir,

Təbrizdə baharmıdır?

Daş üstə bəyaz güllər

Ağı deyib ağlayır...

Ulduzlu göy üzüdü,

Minarəyə köçürülən...

Ucalıqdan, imandan,

ağappaq yol uzanır,

ümidə, Təbrizə doğru...

 

Cüt, qoşa minarələr

iki damcı göz yaşı.

Yüksələr haqqa doğru

Yol dilər Təbrizə sarı.

Dərd çiçəklər

rəngbərəng...

qırmızı çiçək kaşı

bir nisgilli aşiqin

qaysaq tutmaz

yarası,

olmaz dərdin çarəsi...

Əli dərdin içində...

Əli tarix yaratdı,

Əmir Teymur hünərinə,

Səmərqənd şərəfinə,

Təbrizin həsrətinə...

Yurd həsrətin, vətən dərdin

Kərpic-kərpic böyütdü

Tarixdən öc alaraq

özü tarixə döndü

özü tarixi yazdı.

İçindəki Təbrizi

Səmərqəndə köçürdü,

Səmərqənddə yaratdı.

Uzaq Vətən həsrətinə

Dünyanı heyran qoyan

Səmərqənd əzəmətdə

Daş abidə ucaltdı.

 

edebiyyatqazeti.az

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !