Həyatı təhlükə qarşısında olan jurnalist həmyerlimiz... - +VİDEO (AZpress.AZ-Peterburq, Fizuli Cavadzadə, Sədail Həbibov)

Həyatı təhlükə qarşısında olan jurnalist həmyerlimiz... +VİDEO (AZpress.AZ-Peterburq, Fizuli Cavadzadə, Sədail Həbibov)

SOS! SOS! SOS!..

 

Azərbaycanın vətənpərvər oğlu Fuad ABBASOVA dəstək olaq! Onun harayına səsə verək!

Ona necə kömək edə bilərik? Qoy hüquqşünaslarımız bizə istiqamət versinlər. Və mümkün qədər tez ki, sonra gec olmasın. Sonra acı-acı təəssüf etməyək. Bilirsiniz ki, ermənilər vaxtilə hətta Türkiyənin diplomatlarına qarşı da terror törədib, onları öldürüblər. O alçaq millətdən hər şey gözləmək olar!
Respublikanın hüquq-mühafizə orqanlarının Fuad Abbasovun təhlükəsizliyinin təmin olunması üçün təcili tədbirlər görməsi olduqca vacibdir!

 

                                                                               ***

 

 

Rusiyadakı məşhur jurnalist Fuad Abbasov musavat.com-a danışdı: "Məqsəd ya məni ölkədən xaric etmək, ya da həbs etməkdir”

Məşhur azərbaycanlı jurnalist Fuad Abbasov həyatının təhlükədə olduğunu açıqlayıb. Son 2 ildə Türkiyə və Azərbaycanın müxtəlif problemlərinin Rusiyada qabardılması, ölkəmizin reputasiyasının artırılması istiqamətində çalışmaları məşhur jurnalistin həyatını təhlükəyə atıb.

Son proseslərdən olan "Azərbaycanlılarla çeçenlər arasında qalmaqal"da vasitəçilik edərək, sülhə nail olan jurnalist özünün hər an öldürülə biləcəyini bildirib.
Paylaşdığı son videonun fəaliyyətinin son materialı ola biləcəyini deyən jurnalist ermənilərin imza kampaniyası apardığını və özünün hər an həbs olunmaq təhlükəsi ilə üzləşdiyini deyib.

F.Abbasov musavat.com-a açıqlamasında bildirdi ki, bu, nə ilk təhdiddir, nə də son... Müsahibimiz 2015-2016-cı illərdən başlayaraq, davamlı təhdidlər aldığını dedi: "Bizim mənfur qonşularımız internet məkanından keçiblər, öz kilsələrinə... Onlar əvvəl internet məkanında mənə qarşı kampaniya keçirirdilər. İndi də öz kilsələrində mənə qarşı cinayət işi başlaması üçün imzatoplama kampaniyası keçirirlər. Rusiya Cinayət Məcəlləsinin 232-ci maddəsinə görə, millətlərarası münaqişə yaratmaq üzrə cinayət işi başladılıb. Məqsəd məni ya ölkədən xaric etmək, ya da həbs etdirməkdir”.

F.Abbasov bildirdi ki, bunu özünə qarşı təhdid olaraq görmür. Heç bir təhlükəsizlik tədbirini yaxına qoymayan jurnalist cangüdənlər və zirehli avtomobillərdən imtina etdiyini dedi: "Erməni və digər millətlərdən təhlükə olsa, bütün bu hadisələrdən sonra olacaq. İsti-isti hər hansı təhlükə gözləmirəm. Cinayət işinə gəldikdəsə, onların öz hüquqşünasları varsa, mənim də öz hüquqşünaslarım var. Mənim Moskvada işimə yüzlərlə hüquqşünas çıxa bilər. Bu, milli mənafeyi qorumaqdır, Fuad Abbasovu ermənilərdən qorumaq deyil. Ona görə də hüquqşünaslardan hədsiz dərəcədə zənglər alıram. Onlar məni təmənnasız müdafiə etməyə hazırdırlar. Ermənilər tərəfdən hər hansı məhkəmə prosesi başlamalıdır. Onların əlində olan səbəb mənim öz sosial şəbəkəmda icazəsiz olaraq, bir şəxsin pasport məlumatlarını paylaşmağım olub. Onlar o pasportu icazəsiz paylaşmağımı əsas gətirərək, iki maddə üzrə mənə qarşı cinayət işinin açılmasını tələb edirlər. Bunlardan biri millətlərarası münaqişə yaratmaq, digəri isə pasport məlumatlarını icazəsiz yayımlamaqdır”.

Müsahibimiz xatırlatdı ki, "pasport məlumatlarını icazəsiz yaymaq” iddiasının kökündə son günlər çeçenlər və Azərbaycanlılar arasındakı münaqişədə erməni əsilli gəncin əsas rolunun olmasını göstərən videomüraciət dayanıb. Orada bu şəxsin kimliyi açıqlanıb.

F.Abbasov dedi ki, bu məsələnin necə nəticələnəcəyini zaman göstərəcək. Hazırda həyatına heç bir təhlükə hiss etmədiyini deyən soydaşımız Moskvada da açıq şəkildə gəzdiyini və heç kimdən çəkinmədiyini dedi. 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !