BU DƏRDİ DEMƏYƏ DİLİM GƏLMƏYİR - - Şirinxanım Kərimbəyli ŞADİMAN

BU DƏRDİ DEMƏYƏ DİLİM GƏLMƏYİR - Şirinxanım Kərimbəyli ŞADİMAN

BU DƏRDİ DEMƏYƏ DİLİM GƏLMƏYİR

 

Bu dərdi deməyə dilim gəlməyir,
Götürüb yazmağa əlim gəlməyir.

 

Qanı torpağında batan Xocalı,
Qanların içində yatan Xocalı.

 

Bu dünya kar olub ağrına sənin,
Şəhidlər döşənib bağrına sənin.

 

İlləri tarixə köçürdürük biz,
Ürəyə kədəri içirdirik biz.

 

Ey yurdun övladı, dəhşətə susdun,
Bəsdir qanun pozan vəhşətə susdun!

 

Xocalı harayın bağır dünyaya,
Allahı göylərdən çağır dünyaya!

 

Silsin caniləri bu yer üzündən,
Qalmasın cahana qanlı izindən.

 

Hayların vəhşəti səngiyən deyil,
İçdə xəyanəti təngiyən deyil.

 

Düşmənin kimliyi bəlli, susuruq,
Qəzəblə bir-birin kindən asırıq.

 

Yağı torpaqlardan çəkilən deyil,
Şərin beli heç vaxt bükülən deyil.

 

Bəs kimi gözləyib dururq bu gün,
Yalançı xəyallar qururuq bu gün.

 

Qisasın zamanı yetişməyibmi?
Ürəyi yumşaqlıq ötüşməyibmi?!

 

Nə zaman bitəcək işğalın sonu?!
Vətəndə hər bir kəs gözləyir onu!!!

 

Nəsillər dəyişir, yara közlənir,
Düşmən elə düşmən, bəs nə gözlənir?!

 

Qarabağ işğalda, qız-gəlin əsir,
Susub dayanmışıq, nə möhlət, nə sir?

 

Yağı danışıqla çəkilib getməz,
Bu elə bəladı sülh ilə ötməz.

 

Üstən götürməsək məğlub adını,
Vətən xoşbəxt görməz öz övladını.

 

Yeni işğallara düçar olarıq,
Yadların əlində naçar olarıq.

 

Xocalının qanın almalıyıq biz,
Bahadır adıyla qalmalıyıq biz.

Sonu olacaqmı bu atəşkəsin?
Ordu kəsməlidir, düşmən nəfəsin!


İşğalla barışmaq, şərə qol qoyur,
Yeni işğallara açıq yol qoyur!

 

Gəlin qorxaqlığı içdə ovlayaq,
Yağını yurdlardan, haydı, qovlayaq!

 

Milli danışanım, Milli Məclisim,
Yetişirmi sənə harayım, səsim!

 

Ehey, Milli Ordum, qap silahını,
Düşmənin içində qopar ahını.

 

Ali Baş Komandan, əmri bəyan et,
Savaşın gününü durma əyan et!

 

Xocalı, Malıbəyli, Quşçu ağlayır,
Şuşanın harayı sinə dağlayır.

 

Sönmüş ocaqların ahından qopaq,
Nə olar qoy biz də rahatlıq tapaq.

 

Bu dərdi deməyə dilim gəlməyir,
Götürüb yazmağa əlim gəlməyir.

 

                                                                                ***

 

YALAN NƏ SÖYLƏYİM


Yalan nə söyləyim mən qışı sevirəm,
Göyün gözlərindən axan yaşı sevirəm…
Qışın sükutu ürəyimə həzin layla çalır,
Ruhumu xəyallar alır,
Qışa sevgim qəlbimdə gizli qalır,
Utanıram bu sevgini faş etməkdən,
Çünki imkansız ailələrin ağrıları düşür ürəyimə,
Zəhər qatır çörəyimə…
***
Qış – kasıbların yanaqlarında
donan göz yaşı,
Ümidləri canlarının sirdaşı.
Daim adamlardan qaçar gözləri,
Başları əyilər sinələrinə…
Ocaqlarına od əvəzinə,
ələnər qəlblərində şölənən közləri…
Qış – ailələrinə para axtaran
kişilərin üz qarası…
Ürəklərində sızlar imkansızlıq yarası…
Pul ödəməyəndə qazları, işıqları, suları kəsilər,
Sanki həyat onları varlıqdan silər…
Künc-bucaqdan ocaqların
isitmək üçün çör-çöp arayarlar.
İçlərində arzuları qarıyarlar.
Atalar övlad üzünə baxmaqdan çəkinərlər,
Adam arasına çıxmaqdan çəkinərlər.
Qış – evsiz-eşiksizlərin ürəyinə sancı,
Qanunlar yazanların üz qarası, utancı…
Qışın soyuğundan əsənlər,
Bahara tələsənlər,
Bu qışı yola salaq deyərlər,
Yazın sorağın alaq deyərlər…
Qışdan çıxmağın fərəhin yaşarlar
novruz qapıları döyəndə,
Səmənilər göyərəndə ləyəndə,
Yamyaşıl baharın ətri gələr evlərdən,
Ümidlər adamlara qoşulub gülər evlərdən…
Qış evsiz-eşiksizlərin sitəmi,
Parasız ciblərin matəmi…
Bunları göz önünə alanda qışı sevmirəm,
Nə də ona gəlmə demirəm…
Çünki desəm də gələcək…
Dilimdən qopan duam odur ki,
Xoş olsun hamıya GƏLƏCƏK…

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 


 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !