AY ƏZAZİL QAYINANA... - - Şirinxanım Kərimbəyli ŞADİMAN

AY ƏZAZİL QAYINANA... - Şirinxanım Kərimbəyli ŞADİMAN

AY ƏZAZİL QAYINANA


Ay əzazil qayınana,
Girmə yar arasına.
Ol gəlinə pak ana,
Deyinmə qarasına.


Oğlun ailə qurub,
Ailə kiçik dövlətdi.
Gəlinlə ara vurub
Ev yıxmaq nə adətdi?!


Analıq məhəbbətin
gəlin də də aşıla.
Kin dolu can səbətin,
Oynama gözlə, qaşla.


Gəlinin ağlı kəsmir,
Sən dünyanı görmüsən.
Hardan gəlibdi əmir,
Üzünü bürümüsən?!


Evə dığdığı salıb,
Əri, oğlu bezdirmə.
İçinə hiylə alıb
İllər ilə gəzdürmə...


Sən idin bu gəlinə
Üzük taxıb, toy edən,
Keçib fürsət əlinə,
Ey ailəni vay edən!


Kişilər dedi-qodu,
Söz-söhbəti sevmirlər.
Sönsün kininin odu,
Artıq evə gəlmirlər...


Şər atıb gəlininə
Salma onu dil-dişə.
Bal qat zəhər dilinə,
Çevir onu vərdişə.


Can deməklə gəlinə
Canın əskilməyəcək,
Əlini ver əlinə,
Canına can deyəcək.


Axı sən də bir zaman
gəlin oldun, unutma!
Dili etmə ox-kaman,
Kin-küdurət yaratma.


Sənə edilənləri
gəlinə tətbiq etmə.
Vur başa xoş günləri,
Dünyadan kinlə getmə.


Ay əzazil qayınana,
Gəlnini öz qızın bil.
Ol ona doğma ana,
Onu könül arzun bil.


Gəlinə ana olan
Qayınanalar var olsun.
Olmasın qəlblər talan,
Candan sevən yar olsun!


Ey Şadiman, Qayınana,
Elə ana deməkdir!
Dünyada qalan ona,
Ömür yükün çəkməkdir...

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !