- Əbülfət Mədətoğlu - 60

Əbülfət Mədətoğlu - 60

HƏSRƏT

 

(" ... və Hamıya " silsiləsindən)

 

Mən dəqiq bilirəm , bitəcək bir gün -
İçimi , çölümü göynədən həsrət...
Çəkilib gedəcək , tamam - büstbütün -
Məni qəm çəkməyə öyrədən həsrət...

 

Yaddaş ələnəcək , gün üyünəcək
Dil bir ad deyəcək , qəlb döyünəcək...
Sözlər bir - birinə çəp düyüləcək -
Dönəcək mövzuya köhnədən həsrət...

 

Olmusan həmişə canlı yayımda -
Ötüb baharın da , keçib yayında...
Önündə dayandım payız ayında -
Dəymədin . göy oldun , göy , nədən həsrət?

 

Demirəm naşısan , seçə bilməzsən
Yanından bir şəhər köçə , bilməzsən...
Yüz illik dostumsan , keçə bilməzsən -
Sən mənim qapımı döymədən , həsrət! 

 

                                                                                    ***

 

GÖYƏRSİN...

 

( " Bir qadına ... və hamıya " silsiləsindən)

 

Getmək istəyirəm özümdən uzaq
Elə bir yerə ki , ahım göyərsin...
Orda nə od olsun . nə də ki sazaq -
Ahıma mən özüm baxım - göyərsin!..

 

Ürəyim şum yeri - olubdu lək -lək...
Nə zaman istəsən baxıb şəklin çək!..
Dolub için -için , çaxıb şimşək tək -
Arada üstünə yağım - göyərsin,,,

 

Budana - budana tək bir qanadam
Mən də br az tərsəm, bir az inadam...
Bilmirəm özümü necə anladam -
Üzümə yaz gülsün , bağım göyərsin...

 

Cismim bütövsə də . ruhum paradı
Gözümün yaşı da onu aradı...
Hər gün qaysaqları qopan yaradı -
Yurdsuzluq , gəl ovut , dağım göyərsin...

 

                                                                                 ***

 

GÜNÜMÜN GERÇƏK ÜZÜ

 

( " Bir qadına ... və hamıya " silsiləsindən )

 

Tənhalıqdı , sükutdu
İçim , ruhum su uddu...
Bu da bir cür sübutdu -
dəliliyə...

 

Ahdan çəpər çəkirəm
Çəpərə qəm əkirəm...
Mən o , gündən vəkiləm -
dəliliyə...

 

Gecəm - yaxası sökük
Günüm - dizləri bükük...
Ürəklə birgə çökdük -
dəliliyə...

 

Daşdan - daş ayrılan tək
Gözdən yaş ayrılan tə\k ...
Döndüm yaşanılan , tək -
dəliliyə!

 

Göynəyən tərəfim sol...
Qalıbdı , arxayın ol
Qaşla - göz arası yol -
DƏLİLİYƏ!

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !