“Fənn kurikulumlarının tətbiqi: reallıqlar və hədəflər” mövzusunda zona müşavirəsi... - (+FOTOLAR)

“Fənn kurikulumlarının tətbiqi: reallıqlar və hədəflər” mövzusunda zona müşavirəsi... (+FOTOLAR)

Yanvarın 12-də Abşeron rayonu Saray 3 nömrəli tam orta məktəbdə “Fənn kurikulumlarının tətbiqi: reallıqlar və hədəflər” mövzusunda zona müşavirəsi keçirilib.

Zona müşavirəsində Təhsil Nazirliyi, Abşeron rayon İcra Hakimiyyəti, Təhsil İnstitutu və Bakı Şəhəri üzrə Təhsil İdarəsinin məsul əməkdaşları, Sumqayıt şəhərinin, Abşeron, Qubadlı, Laçın, Kəlbəcər, Zəngilan rayonlarının təhsil işçiləri – metodistlər, məktəb direktorları və müəllimlər, eləcə də KİV nümayəndələri və dərslik müəllifləri iştirak ediblər.

Müşavirə iştirakçıları əvvəlcə Abşeron rayonunun ümumtəhsil məktəblərinin şagirdlərinin əl işlərindən ibarət sərgiyə baxıblar.

Sonra tədbir iştirakçıları tərəfindən rayonun 33 müəlliminin nümunəvi dərsi dinlənilib.

Müşavirədə dinlənilmiş dərslər müzakirə olunub, məzmun standarları və fənn kurikulumlarının, fənlərin tədrisi metodikasının təkmilləşdirilməsi, fənlər üzrə şagirdlərin təlim naliyyətlərinin yaxşılaşdırılması, dərsliklər və təhsil texnologiyaları barədə mülahizələr, rəy və təkliflər dinlənilib. 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )