İslam Əməkdaşlıq Təşkilatının İqtisadiyyat və Ticarət Əməkdaşlığı üzrə daimi Komitəsinin sessiyası keçirilir -

İslam Əməkdaşlıq Təşkilatının İqtisadiyyat və Ticarət Əməkdaşlığı üzrə daimi Komitəsinin sessiyası keçirilir

AZpress.AZ xəbər verir ki, noyabrın 26-da Türkiyənin İstanbul şəhərində İslam Əməkdaşlıq Təşkilatının (İƏT) İqtisadiyyat və Ticarət Əməkdaşlığı üzrə daimi Komitəsinin (COMCEC) 34-cü sessiyası başlayıb. “Ticarətin asanlaşdırılması: gömrüklərdə risklərin idarə olunması” mövzusunda keçirilən sessiyada ölkəmizi Dövlət Gömrük Komitəsinin sədri, gömrük xidməti general-leytenantı Səfər Mehdiyevin başçılıq etdiyi nümayəndə heyəti təmsil edir.

Qeyd edək ki, 26-27 noyabr tarixlərində əsasən üzv ölkələrin nümayəndələrindən ibarət işçi qruplar texniki məsələləri müzakirə edəcəklər.

28-29 noyabr tarixlərində isə İƏT-nin üzv ölkələrinin nazirlərinin iştirak etdiyi görüşdə gömrüklərdə risklərin idarə olunması sahəsində əldə edilən təcrübələrin bölüşdürülməsi, bu istiqamətdə əməkdaşlığın inkişaf etdirilməsinə dair məsələlər müzakirə olunacaq. Eyni zamanda, görüşdə üzv ölkələr arasında iqtisadiyyat və ticarət sahəsində əməkdaşlığın inkişaf etdirilməsinin gələcək perspektivləri, cari ilin mayında COMCEC-in Ankarada keçirilən iclasında qəbul edilən gündəlik layihəsindəki məsələlər barədə fikir mübadiləsi aparılacaq.

Sessiya çərçivəsində "Regional inteqrasiya üçün ticarətin asanlaşdırılması potensialından istifadə”, " Gömrük sisteminin modernləşdirilməsi sahəsindəki çətinliklər və mümkün həllər”, "Ticarətin asanlaşdırılmasında özəl sektorun rolu” və digər mövzularda panel iclaslar keçiriləcək.
Sessiyada Dövlət Gömrük Komitəsinin sədri Səfər Mehdiyev məruzə ilə çıxış edəcək.
Sessiya noyabrın 29-da öz işini yekunlaşdıracaq
 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

 

 

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !