BU SƏS VƏTƏNİN SƏSİ - - Rafael Hüseyn (+ViDEO)

BU SƏS VƏTƏNİN SƏSİ - Rafael Hüseyn (+ViDEO)

O vaxt hər evdə mütləq radio vardı.
Rayon mərkəzləri, ən ucqar kəndlər belə radiolaşdırılmışdı və şəhərlərin, kəndlərin əsas meydanlarında, camaatın çox toplaşdığı yerlərdə də dirəkdən asılı radioreproduktor olardı.
O vaxt, yəni XX əsrin ta 1970-ci illərinəcən.
Hətta səksəninci illərin əvvəllərində də sayı azalmışdısa da, tək dalğaya köklənmiş divar radioları hələ qalırdı.
Azərbaycanda 1956-cı ildən həm də televiziya işləyirdisə də, radio öz sevimli yerini qoruyub saxlamışdı.
Amma sonra yavaş-yavaş dövr dəyişdi, divar radioları asta-asta yoxa çıxdı, indi axtarsan muzeydə taparsan.
Lakin nəsil-nəsil insanın hayanı olmuş sevimli radionun yaddaşlardakı, ürəklərdəki izi ki silinən deyil!
Azərbaycan radiosu daimi yayınlarını davam etdirdiyi 92 il boyunca bu millətin və yurdun səsi olmağı bacarıb.
Noyabrın 6-sı növbəti ad günüdür radiomuzun.
O səsi millətinki etməyi bacarmış, bu yolda zəhmətlər çəkmiş bütün dəyərli yaradıcılara – həyatdan getmişlərə rəhmətlər, yaşayanlara şərəflər olsun!
Noyabrın 4-də saat 21.30-da və noyabrın 6-da saat 23-də FM 105 tezliyində Azərbaycan Radiosunda səslənəcək “Axşam görüşləri” verilişində bayram düşüncələrimizi bölüşəndən sonra həyatının 45 ilini Azərbaycan Teleradiosuna həsr etmiş fədakar insan, əməkdar incəsənət xadimi Çingiz Abbasovdan söz açacağıq. 

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !