XƏLİL RZA - - Şirinxanım Kərimbəyli ŞADİMAN

XƏLİL RZA - Şirinxanım Kərimbəyli ŞADİMAN

XƏLİL RZA

 


Xəlil Rza! Vətənimin göylərində
dolan bulud,
Xəlil Rza – tufanlara sinə gərən,
ilğımları, sazaqları üstələyən güclü palıd!
Xəlil Rza – əzabları dəmirləşən,
düşmənləri əyilməyən qüdrətiylə
vurub sərən bahar seli.
Xəlil Rza –Vətənimin zümzüməsi –
dodağında kilidlənən susmaz dili.
zəncirlənən azadlığın Prometeyi!
Azərbaycan anamızın ulu neyi.
Xəlil Rza – o susmayan
qüdrətiylə çağlayacaq!
Yağıların qan-qan deyən ürəyini
xəncər-bıçaq sözləriylə dağlayacaq.
Od yurdunun adı bizdən
özü ögey dillərini bağlayacaq.
Xəlil Rza – məmləkətin azadlığa
təşnə olan ürəyidir.
Azərbaycan torpağının ikibaşlı
əjdahaya qarşı duran dirəyidir.
Azadlığın damlasını əzizləyən,
Yolumuzdan tikanları, qanqalları təmizliyən,
Dədə Qorqud babamızdır!..
Xəlil Rza – min ildir ki, fəryad edən,
fəğan edən qəlbi qopuq dərdli sazdır!
Xəlil Rza – min bir yerdən parçalanmış,
İgidləri diri-diri odda yanmış
Azərbaycan adlı diyar,
Yağıları o Koroğlu nərəsiylə başsız qoyar.
Xəlil Rza – istiqlalın
özü boyda parlaq Günəş.
Yüz yetmiş il sinəmizdə zaman-zaman,
Nəsil-nəsil doğan atəş.
Zəncirləri qolumuzdan qıracaqdır nərəsiylə,
Azərbaycan ölkəsini tanıdacaq dünyamıza
öz istiqbal kürəsiylə,
Qalacaqdır yerin, göyün yaddaşında
o müqəddəs haqq səsiylə!..

 

 

Şirinxanım Kərimbəyli ŞADİMAN


 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !