"Təbəssümləri üçün Həmrəy olaq" adlı tədbir keçirib. - (+FOTO)

"Təbəssümləri üçün Həmrəy olaq" adlı tədbir keçirib. (+FOTO)

"Müasir Azərbaycan Gənclər" ictimai birliyi 31dekabr Dünya Azərbaycanlılarının həmrəylik günü münasibətilə Leykemiya ilə mübarizə aparan uşaqlardan ötəri "Təbəssümləri üçün Həmrəy olaq" adlı tədbir keçirib. A.Şaiq adına Azərbaycan Dövlət Kukla teatrında baş tutan tədbirdə "Müasir Azərbaycan Gənclər" ictimai birliyinin könüllüləri, qonaqlar, “Leykemiya ilə mübarizə” ictimai birliyinin nümayəndələri, birliyin qeydiyyatinda olan 3-12 yaş arası leykemiya
(qan xərçəngi) ilə mübarizə aparan 30 uşaq, ümumilikdə tədbirdə 200-ə yaxın insan iştirak etmişdir. Tədbirə giriş sözü ilə başlayan MAG İctimai Birliyinin sədri Orxan Fəxrəddinov öz çıxışında birlik haqqında məlumat vermiş,birliyin məqsədinin əsası ümummilli lider Heydər Əliyev tərəfindən qoyulan, cənab prezident İlham Əliyev tərəfindən uğurla davam etdirilən gənclər siyasətinə töhfə verəcək, azərbaycançılıq ideologiyasına sadiq, müasir, intellektual,xeyirxah gənclərin sayının artırılması olduğunu qeyd etmişdir. Elə bu tədbirində keçirilməsində əsas məqsəd xeyirxah gənclərin şəbəkələşməsi ilə leykemiya, osteosarkoma və s. kimi əsrin bəlası olan xəstəliklərdən əziyyət çəkənlərə diqqətin və mənəvi dəstəyin artırılmasıdır. Yekun olaraq birliyin sədri Orxan Fəxrəddinov tədbirin ərsəyə gəlməsində əməyi olan hər kəsə, bununla yanaşı Azərbaycan Dövlət Kukla teatrının rəhbəri Rəşad Əhmədzadə və kollektivinə, eləcə də başda Mehriban Bağırova olmaqla Leykemiya ilə mübarizə ictimai birliyinin kollektivinə dərin minnətdarlığını bildirmişdir. Daha sonra söz Leykemiya ilə mübarizə ictimai birliyinin sədri Mehriban Bağırovaya verilib. İlk öncə tədbir iştirakçılarını 31 dekabr Dünya Azərbaycanlılarının Həmrəylik günü münasibətilə təbrik edən Mehriban Bağırova inamın bu xəstəliklə mübarizədə çox lazımlı bir hiss olduğunu eləcə də valideynlərə bu mübarizədə inamla yanaşmalarının gərək olduğunu qeyd edib. Cəmiyyətdə bu uşaqlara qarşı diqqətinin artırılmasının zəruri olduğunu qeyd edən Mehriban Bağırova bu tədbir üçün "Müasir Azərbaycan Gənclər" İctimai Birliyinin rəhbərliyinə və kollektivinə təşəkkür etmişdir. Daha sonra leykemiya ilə mübarizə aparan 6 yaşlı Nəzrin Qocayeva çıxış edərək insanlara müraciət etdi. O öz çıxışında “Mən artıq sağalmağa doğru gedirəm. Amma digər uşaqların sizin dəstəyinizə ehtiyacı var. Bizi tək qoymayın, biz sizdən də güclüyük!” sözlərini tamaşaçıların diqqətinə çatdırmışdır. Ardınca MAG İB ailəsinin könüllüsü Arzu Hüseynova sözləri İsmayıl Dadaşova məxsus olan “Azərbaycan” mahnısını ifa etdi. Daha sonra Leykemiya ilə mübarizə aparan uşaqlar "Müasir Azərbaycan Gənclər" ictimai birliyi tərəfindən hədiyyələr ilə təltif olunmuş, ardınca isə tədbirin bədii hissəsi başlanılmışdır. Bədii hissədə tədbir iştirakçılar Virxovun "Oyaq gözəl" tamaşasına baxmışlar. Tədbirin sonunda xatirə şəkli çəkdirilmiş bu cür tədbirlərin davamlı olması arzulanmışdır.

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  
ŞƏRHLƏR :
..send-  /..гюльага гамбаров  /..gülağa qənbərov  /..gülağa qəmbərov  /..gülağa tənha

 

 

( Burada və Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !