ADU-da Azərbaycan-Çin: partiyalararası dialoq mövzusunda seminar keçirilib -

ADU-da “Azərbaycan-Çin: partiyalararası dialoq” mövzusunda seminar keçirilib

 Noyabrın 21-də Azərbaycan Dillər Universiteti (ADU) nəzdində fəaliyyət göstərən Konfutsi İnstitutunda Yeni Azərbaycan Partiyasının (YAP) yaranmasının 25-ci ildönümü və Çin Kommunist Partiyasının XIX Qurultayının uğurla başa çatmasına həsr olunan “Azərbaycan-Çin: partiyalararası dialoq” adlı elmi tələbə seminarı keçirilib.
Açılış nitqi ilə çıxış edən Konfutsi İnstitutunun direktoru professor Rafiq Abbasov Yeni Azərbaycan Partiyası və Çin Kommunist Partiyası arasında əməkdaşlığın uğurlu inkişafından, Çin Kommunist Partiyası Mərkəzi Komitəsi nümayəndə heyətinin Yeni Azərbaycan Partiyasının I tarixi qurultayında iştirakından danışaraq Ümummilli lider Heydər Əliyevin Çin nümayəndələri ilə görüşünü xatırladıb. R.Abbasov “Böyük İpək Yolu İqtisadi Qurşağı” proqramının həyata keçirilməsində YAP və ÇKP-nin mühüm rolunun olduğunu, Azərbaycan Respublikasının Prezidenti, Yeni Azərbaycan Partiyasının sədri İlham Əliyevin YAP-ın 25 illik yubileyinə həsr olunan mərasimdəki çıxışında Azərbaycanın Avrasiya qitəsindəki nəqliyyat mərkəzlərindən birinə çevrilməsinin və nəqliyyat sahəsində tranzit ölkə statusunun əldə edilməsinin vacibliyini xüsusi qeyd etdiyini vurğulayıb. R.Abbasov bildirib ki, Azərbaycan Respublikasının Prezidenti İlham Əliyev Çin Xalq Respublikasına rəsmi səfəri zamanı Çin Xalq Respublikasının sədri Si Cinpin ilə görüşündə YAP və ÇKP arasında sıx əlaqələrin mövcud olduğunu və bunun ikitərəfli münasibətlərin güclənməsinə kömək etdiyini qeyd edib.
Seminarda çıxış edən Konfutsi İnstitutunun əməkdaşları Əfsanə Balayeva və Nigar Qocayeva öz məruzələrində Azərbaycan-Çin siyasi əməkdaşlığının uğurlu inkişafından, partiya nümayəndə heyətlərinin qarşılıqlı səfərlərindən, Azərbaycan və Çinin iki hakim partiyasının iqtisadi siyasətindən danışıb. Seminarda o da xüsusi vurğulanıb ki, Çin Xalq Respublikasının Təhsil Nazirliyinin Çin dilinin xaricdə yayılması üzrə Dövlət Dəftərxanasının (Hanban) qərarı ilə ADU-da yaradılan Konfutsi İnstitutu Çin dilinin tədrisi və Azərbaycan ictimaiyyətinin Çin mədəniyyəti ilə tanış olması məqsədi daşımaqla yanaşı, “Bir kəmər-bir yol” konsepsiyasının həyata keçirilməsi istiqamətində elmi-tədqiqat işlərinin aparılmasına töhfə verir.

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  
ŞƏRHLƏR :
..send-  /..гюльага гамбаров  /..gülağa qənbərov  /..gülağa qəmbərov  /..gülağa tənha

 

( Burada və Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !