İndoneziya Xarici İşlər Nazirliyinin nümayəndə heyəti ADU-da olub - + FOTO

İndoneziya Xarici İşlər Nazirliyinin nümayəndə heyəti ADU-da olub + FOTO

Avqustun 28-də Azərbaycan Dillər Universitetinin (ADU) rektoru, AMEA-nın həqiqi üzvü, əməkdar elm xadimi Kamal Abdulla İndoneziya Xarici İşlər Nazirliyinin Cənubi və Mərkəzi Asiya ölkələri Departamentinin direktoru Ferdi Niko Yohannes Piayın başçılıq etdiyi nümayəndə heyəti ilə görüşüb.


Nümayəndə heyətini ADU-da görməkdən məmnunluğunu bildirən rektor bu görüşün baş tutmasının təbii hal olduğunu deyib. O, qeyd edib ki, ADU-da İndoneziya dili, ədəbiyyatı, mədəniyyəti və tarixi öyrədilir. Universitetdə İndoneziya Araşdırmalar Mərkəzinin fəaliyyət görtərdiyini deyən rektor hər il ADU-nun 10 tələbəsinin İndoneziyaşünaslıq ixtisası üzrə hazırlandığını söyləyib: “Məmnuniyyətlə qeyd etmək istərdim ki, bu tələbələr İndoneziyanın mədəniyyətini, tarixini, ədəbiyyatı və dilini böyük həvəslə öyrənirlər. Azərbaycanda təkcə İndoneziya səfirliyi fəaliyyət göstərmir, burada eyni zamanda İndoneziyasevərlər məkanı var”.


Öz növbəsində F.N.Y.Piay ADU-da İndoneziya Araşdırmalar Mərkəzinin fəaliyyət göstərməsi barədə məlumatlı olduqlarını deyib. Mərkəzin fəaliyyətini yüksək qiymətləndirən qonaq bildirib ki, bu, iki ölkə arasında əlaqələrin daha da möhkəmlənməsinə xidmət edir.


İki ölkə arasında təhsil sahəsində əməkdaşlıq barədə danışan diplomat bildirib ki, bu çətir altında İndoneziyada da Azərbaycan dili və mədəniyyəti mərkəzi açıla və cəmiyyətlərimiz bir-biri ilə daha yaxından tanış ola bilər. Ona cavab olaraq K.Abdulla əlavə edib ki, ADU İndoneziyada məsləhət görülən universitetlərdən birində Azərbaycan dili və mədəniyyəti mərkəzi yaratmağa və həmin mərkəzi avadanlıqlarla təchiz etməyə, həmçinin həmin mərkəzdə çalışmaq üçün professor göndərməyə hazırdır. K.Abdulla bildirib ki, bu mərkəzdə indoneziyalı tələbələr öz istəklərinə uyğun olaraq Azərbaycan dili, ədəbiyyatı, tarixi və mədəniyyətini öyrənə bilərlər: “İndoneziyada Azərbaycanı, Azərbaycanda isə İndoneziyanı tanıyan mütəxəssislər nə qədər çox olarsa, həm iqtisadi, həm də mədəni strukturlar bir-birinə daha çox yaxınlaşa bilər”.


Görüşdə iştirak edən İndoneziyanın ölkəmizdəki səfiri Hüsnan Bəy Fanani artıq İndoneziya tərəfinin Azərbaycan dili və mədəniyyəti mərkəzinin açılması ilə bağlı məlumatlı olduğunu və konkret universitetin müəyyənləşdirildiyini söyləyib. O, bildirib ki, paytaxt Cakartadakı İndoneziya Universitetində Azərbaycan dili və mədəniyyəti mərkəzinin açılması ilə bağlı həmin universitetin rəhbərliyindən şifahi razılıq alınıb. Hal-hazırda səfirlik həmin universitetdən rəsmi cavab gözləyir və bu barədə məktub gələn kimi dərhal ADU-ya müvafiq məlumat veriləcək.


Görüşdə ADU-dakı İndoneziya Araşdırmalar Mərkəzinin daha da genişləndirilməsi, multikulturalizmlə bağlı tədbirlərin keçiirlməsi və s. məsələlər ətrafında da fikir mübadiləsi aparılıb.


Görüşdən sonra qonaqlar İndoneziya Araşdırmalar Mərkəzində, həmçinin universitetdə fəaliyyət göstərən digər dil və mədəniyyət mərkəzlərində olublar.

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !