Lənkəran teatrında uşaq tamaşasına daxili baxış keçirilib - + FOTO (AZpress.AZ - Ağaddin Babayev, Lənkəran)

Lənkəran teatrında uşaq tamaşasına daxili baxış keçirilib + FOTO (AZpress.AZ - Ağaddin Babayev, Lənkəran)

Lənkəran Dövlət Dram Teatrında uşaq ədəbiyyatının görkəmli nümayəndələrindən olan fransız şairi və tənqidçisi Şarl Perronun “Çəkməli pişik” nağılı əsasında hazırlanmış “Çəkməli Perro və Şahzadə Pyer” tamaşasına daxili baxış keçirilib. Məktəb yaşlı tamaşaçılar üçün nəzərdə tutulmuş bu səhnə əsərinin səhnələşdirəni və quruluşçu rejissoru Tərlan Abdullayev, quruluşçu rəssamı Tərlan Sadıqov, musiqi tərtibatçısı Fərahim Fərəcovdur. Tamaşada rolları aktyorlardan Allahverən Babayev, Hikmət Cəfərov, Sayad Əliyev, Şəbnəm Hüseynova, Rauf Zeynalov, Aysel Cahangirova, Günel Abbaszadə, Ülkər Quliyeva, Nizami Qurbanov ifa ediblər.


Qeyd edək ki, tamaşa yeni teatr mövsümündə azyaşlı sənətsevərlərin ixtiyarına veriləcək.

 


Ağaddin BABAYEV, Lənkəran