ADMİU-nun müəllimi VIII Beynəlxalq Ustad Sənət Simpoziumunda iştirak edib - + FOTO

ADMİU-nun müəllimi VIII Beynəlxalq Ustad Sənət Simpoziumunda iştirak edib + FOTO

Azərbaycan Dövlət Mədəniyyət və İncəsənət Universiteti Rəssamlıq fakültəsi Dizayn və dekorativ-tətbiqi sənət kafedrasının müəllimi Vüqar Əliyev Belarusiyanın Mogilev şəhərində 29 may-10 iyun 2017-ci il tarixlərində keçirilən “Mogilev qonaqların gözü ilə” beynəlxalq simpoziumda iştirak edib. Mogilev şəhərinin 750 illiyinə həsr olunan simpoziuma dünyanın doqquz ölkəsindən, Belarus, Rusiya, Azərbaycan, Çin, Hindistan, Litva, Makedoniya, Ukrayna və Özbəkistandan rəssamlar dəvət olunub.


Simpoziumun təşkilatçısı və eyni zamanda iştirakçısı olan Mogilevli rəssam Oksana Evdokimenko müxtəlif ölkələrdən dəvət olunan rəssamlara uğurlar arzulayıb, bu yaradıcı simpoziumun gələcəkdə ənənəyə çevriləcəyinə inandığını vurğulayıb.


Qeyd edək ki, rəssamlar simpozium çərçivəsində Mogilev şəhərini ziyarət edib, xalqların birliyini simvolizə edən heykəli birlikdə rəngləyiblər. Həmçinin Vüqar Əliyevi “İncəsənət vaxtı” adlı verlişə qonaq qismində dəvət ediblər.


Simpoziumun sonunda rəssamlar diplom ilə təltif edilib və əsərləri Mogilev Tarixi Muzeyinin sərgi salonunda açılacaq “Mogilev qonaqların gözü ilə” sərgisində nümayiş olunub.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !