Gürcüstanda yaşayan azərbaycanlıların problemləri diqqət mərkəzindədir - + FOTO

Gürcüstanda yaşayan azərbaycanlıların problemləri diqqət mərkəzindədir + FOTO

Gürcüstanda səfərdə olan Milli Məclisin Azərbaycan-Gürcüstan parlamentlərarası əlaqələr üzrə işçi qrupun rəhbəri, Azərbaycan Mətbuat Şurasının sədri Əflatun Amaşov Laqodexi rayonunda olub.


O, rayon bələdiyyəsinin sədri Kaxa Camburiya, yerli rayon sovetinin deputatı Quram Maçaraşvili ilə görüşüb. Görüşdə Azərbaycanın və Gürcüstanın parlamentləri arasındakı dostluq münasibətləri, hər iki ölkənin bölgələri arasında əlaqələrin inkişaf perspektivləri barədə fikir mübadiləsi aparılıb.


Sonra Ə.Amaşov Gürcüstanın müstəqillik günü ilə əlaqədar təşkil olunmuş bayram tədbirinə qatılıb, təbriklərini çatdırıb, xalqlarımız arasındakı dostluq münasibətlərindən danışıb.


Daha sonra Milli Məclisin deputatı Laqodexi rayonunun Qabal kəndinin sakinləri ilə görüşüb.


Əflatun Amaşov deyib ki, Azərbaycan dövləti Gürcüstanda yaşayan azərbaycanlılara daim diqqət və qayğı göstərir, onların problemlərinin həlli ilə bağlı müəyyən tədbirlər görülür.


Deputat Tbilisidə böyük ədib Cəlil Məmmədquluzadənin Ev muzeyinin və Heydər Əliyev adına Tbilisi Dövlət Azərbaycan Dram Teatrının təmiri ilə bağlı müəyyən işlərin görüldüyünü diqqətə çatdırıb. Bildirib ki, bu gün Gürcüstanda yüz minlərlə azərbaycanlı yaşayır. Məqsəd onların problemlərini öyrənmək və həllinə nail olmaqdır.


Məlumat verilib ki, Qabal kəndinə bitişik olan Qaracalar, Gəncəli və Uzuntala kəndlərində ümumilikdə 15 min əhali yaşayır. Dörd kəndin bir bələdiyyəsi və bir icra nümayəndəsi var. Kəndlərdə 5 məktəb olsa da, şagirdlərin dərslik problemləri var. Gənclər elmə, idmana, musiqiyə həvəslidirlər. Bir neçə gənc respublika və beynəlxalq yarışlarda qalib olub. Lakin bu kəndlərdə Mədəniyyət Evi, uşaq bağçası, idman zalları yoxdur.


Kənd əhalisinin 3 minə yaxını Qazaxıstanda, 1500-dən çoxu isə Rusiyada yaşayır və işləyir.
Kənd sakinləri bu və digər problemlərdən danışıb, onların həlli ilə bağlı Azərbaycan hökumətindən yardım istəyiblər.


Əflatun Amaşov problemlərin imkan daxilində həllinə çalışacağını bildirib.


Kənd icra nümayəndəsi Namaz Allahverdiyev göstərilən diqqət və qayğıya görə minnətdarlıq edib.


Görüşdə Azərbaycanın Gürcüstandakı səfirliyinin birinci katibi Elçin Məmmədov iştirak edib.


Xətayi Əzizov


AZƏRTAC-ın xüsusi müxbiri


Tbilisi 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !