ADU-da Əziz Əliyevin xatirəsi anılıb - + FOTO

ADU-da Əziz Əliyevin xatirəsi anılıb + FOTO

Aprelin 25-də Azərbaycan Dillər Universitetində (ADU) Azərbaycanın görkəmli dövlət və elm xadimi Əziz Əliyevin 120 illik yubileyinin keçirilməsi haqqında Azərbaycan Respublikası Prezidentinin Sərəncamına əsasən universitetin Regionşünaslıq və beynəlxalq münasibətlər fakültəsinin təşkilatçılığı ilə “Əziz Əliyev Azərbaycanın görkəmli ictimai-siyasi xadimi kimi” mövzusunda dəyirmi masa keçirilib.

 

Regionşünaslıq kafedrasının müdiri, dosent Sevdagül Əliyeva “Əziz Əliyevin Dağıstandakı fəaliyyəti”, Sosial elmlər kafedrasının müdiri, dosent Ədalət Abdiyeva “Əziz Əliyevin Azərbaycandakı inkişaf rolu”, adıçəkilən kafedranın dosentləri Şəlalə Bağırova “Əziz Əliyevin Cənubi Azərbaycanda fəaliyyəti”, Qorxmaz Mustafayev isə “Əziz Əliyevin həyat və fəaliyyəti” mövzusunda çıxış ediblər. Onlar Ə.Əliyevin müxtəlif məsul vəzifələrdə dövlət idarəçiliyinin təkmilləşdirilməsində səmərəli fəaliyyətindən, respublikada səhiyyə sisteminin və tibb təhsilinin formalaşdırılmasına verdiyi layiqli töhfələrdən, İkinci Dünya müharibəsi illərində apardığı işlərin mühüm hərbi-siyasi əhəmiyyətindən, Azərbaycan və Dağıstan xalqları arasında dostluq və qardaşlıq əlaqələrinin daha da möhkəmləndirilməsi sahəsindəki xidmətlərindən bəhs edib, dövlət xadimi kimi gördüyü işlər və repressiya dövrü haqqında məlumat veriblər. Natiqlər, eyni zamanda Ə.Əliyevin Dağıstandakı fəaliyyətindən söz açaraq onun hər zaman dağıstanlılar tərəfindən sevildiyini, bunun bariz nümunəsi kimi Ə.Əliyevin xatirəsini əbədiləşdirmək məqsədi ilə orada heykəlinin ucaldıldığını da vurğulayıblar.

 

Belə tədbirlərin keçirilməsinin vacib və əhəmiyyətli olduğunu bildirən Regionşünaslıq və beynəlxalq münasibətlər fakültəsinin dekanı, dosent Samir Həmidov Azərbaycanın tarixi şəxsiyyətlərinin öyrənilməsinin vacib olduğunu vurğulayıb. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !