GDU-da İSLAM HƏMRƏYLİYİ İLİ adlı tədbir - + FOTO

GDU-da “ İSLAM HƏMRƏYLİYİ İLİ “ adlı tədbir + FOTO

12 aprel 2017-ci il tarixdə Gəncə Dövlət Universitetində 2017-ci ilin Azərbaycanda “İslam Həmrəyliyi İli” elan edilməsi ilə əlaqədar tədbir keçirilmişdir. Tədbirdə Dini qurumlarla iş üzrə Dövlət komitəsinin Gəncə bölgəsi üzrə şöbə müdiri Asif Əliyev, universitetin Humanitar məsələlər üzrə prorektoru dosent Gülsüm Fətəliyeva, müəllim və tələbə heyəti iştirak etdilər.


Tədbiri giriş sözü ilə universitetin Humanitar məsələlər üzrə prorektoru dosent Gülsüm Fətəliyeva açaraq bildirdi ki, İslam həmrəyliyinin bərqərar olmasında Azərbaycanın özünəməxsus mövqeyinin möhkəmləndirilməsini təmin etmək məqsədi ilə 2017-ci il Azərbaycan Respublikasında “İslam Həmrəyliyi İli” elan edilməsi haqqında Azərbaycan Respublikası Prezidenti Sərəncam imzalamışdır. Azərbaycan İslam mədəniyyətinin inkişafında, maddi abidələrə münasibət həmişə nümunəvi olmuşdur. Son illərdə Bibiheybət, Təzəpir, Əjdərbəy, Şamaxı Cümə məscidləri və Gəncə şəhərindəki “İmamzadə” kompleksi İslam mədəniyyətinin qiymətli abidələri olaraq əsaslı şəkildə yenidən qurularaq təmir olunmuş, ölkəmizin paytaxtında Cənubi Qafqazın ən möhtəşəm məbədi Heydər məscidi inşa edilmişdir. Prorektor Gülsüm Fətəliyeva IV İslam Həmrəyliyi Oyunlarının 2017-ci ildə Bakı şəhərində keçirilməsi İslam həmrəyliyinin möhkəmləndirilməsi sahəsində növbəti əməli addımlardan biri olduğunu bildirdi.


Sosial fənlər kafedrasının dosenti Asim Məmmədov “Azərbaycanda İslam dəyərləri və multikultiralizm” , Azərbaycan tarixi kafedrasının baş müəllimi Eldar Mehdiyev “İslam həmrəyliyi-zamanın çağırışı” , Dini qurumlarla iş üzrə Dövlət komitəsinin Gəncə bölgəsi üzrə şöbə müdiri Asif Əliyev “Dinlər və mədəniyyətlər arasında dialoqun bərqərar olunması” , Sosial fənlər kafedrasının baş müəllimi Üzeyir Balakişiyev “İslam həmrəyliyinin Azərbaycan modeli” , Ümumi tarix kafedrasının baş müəllimi Bəxtiyar Məhərrəmov “Dünyəvi dövrdə İslam və milli birlik” adlı məruzlərəri ilə hal-hazırda ən ümdə vəzifə və məqsədimizin Azərbaycandakı din və məzhəb ardıcılları arasında tolerant, birgəyaşayış nümunəsini xaricdə, eləcə də İslam dünyasında təbliğ etməkdən ibarət olduğunu vurğuladılar. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !