Azərbaycan Universitetində Ümumdünya Sosial İş Günü qeyd olunub -

Azərbaycan Universitetində Ümumdünya Sosial İş Günü qeyd olunub

Bu gün Azərbaycan Universitetində Ümumdünya Sosial iş gününə həsr olunan tədbir keçirilib. Universitetin Sosial iş fakültəsi və “İRƏLİ” İctimai Birliyinin birgə təşkilatçılığı ilə baş tutan tədbirdə “İRƏLİ” İctimai Birliyinin sədri MirHəsən Seyidov, universitetin müəllim-tələbə kollektivi iştirak edib.
Tədbirdə iştirakçılara Sosial iş ixtisası haqqında məlumat verilib, tanıtımı, peşə kimi formalaşması və uğurlu təşkili sahəsində ölkədə aparılan işlərdən danışılıb. Qeyd olunub ki, ölkədə Sosial işin tədrisi sahəsində Azərbaycan Universitetinin müstəsnə yeri və böyük nailiyyətləri vardır.
Azərbaycan Respublikasının Prezidenti yanında Gənclər Fondunun Müşahidə Şurasının üzvü, “İrəli” İctimai Birliyinin sədri Mirhəsən Seyidov, Azərbaycan Universitetinin prorektoru Ağamalı Ağamalıyev, Sosial iş fakültəsinin dekanı Aygün Musayeva, Azərbaycan Sosial iş Birliyinin sədr müavini Gülnarə Pənahova Ümumdünya Sosial iş gününün mahiyyəti haqqında danışıb, sosial işçiləri peşə bayramı münasibəti ilə təbrik edib, ürək sözlərini çatdırıblar
Çıxış edən MirHəsən Seyidov nitqində sosial iş ixtisasının mahiyyətindən, cəmiyyət üçün yararından danışıb. Gəncliyin inkişafını vurğulayıb və tələbələrin bu addımını qiymətləndirdiyini, bir təşkilat olaraq hər zaman gənclərə dəstək olmağa hazır olduqlarını vurğulayıb.
Tədbirdə “Azərbaycan Universiteti Korporativ Sosial Məsuliyyətini dərk edir” layihəsinin təqdimatı olub. Layihə çərçivəsində fiziki əlilliyi olan 3 gənc Azərbaycan Universitetində 3 smestr “dinləyici tələbə” statusunda təhsil alacaq. Məqsəd isə fiziki əlilliyi olan gənclərin ingilis dili, kompüter və mühasibat sahələrində bilik və bacarıqlarını artırmaqla onların həyat keyfiyyətinin yüksəldilməsinə nail olmaqdır. Fakültə gənclərin seçimi prosesində UAFA (AzərbaycanA Birgə Yardımn Təşkilatı) ilə əməkdaşlıq edib.
Tədbirdə Sosial işin fəaliyyət sahəsinə daxil olan problemlərin işıqlandırıldığı bədii nümunələr də nümayiş olunub.

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !