Kəlbəcərli seçicilərlə növbəti qəbul keçirilib - + FOTO

Kəlbəcərli seçicilərlə növbəti qəbul keçirilib + FOTO

"Azərbaycan Dəmir Yolları" Qapalı Səhmdar Cəmiyyətinin sədri, Milli Məclisinin deputatı Cavid Qurbanovun seçiciləri Millət vəkilinin tapşırığına əsasən qəbul edilib.
Qəbulu aparan Millət vəkilinin nümayəndəsi Həbib Misirov bildirib ki, növbəti qəbul zamanı 60 nəfərə yaxın seçici qəbul edilib. Seçicilərin problemləri ətraflı dinlənilib və onların qaldırdıqları problemlərin araşdırılacağı və onlara lazımı köməkliyin göstəriləcəyi bildirilib. Bundan əlavə yazılı müraciətləri olmadan da qəbula gələn seçicilərin problemləri araşdırılıb, aidiyyəti qurumların köməyi ilə onlara köməklik olunacağını ifadə edib.
Həbib Misirov deyib ki, seçicilərin müraciətləri əsasən işlə təmin olunmaq, yaşayış yeri ilə təmin edilmə, yaşayış şəraitinin yaxşılaşdırılması, qeydiyyat, sənədləşdirmə, sosial müavinətin alınması və digər sosial problemlərlə bağlı olub. Seçicilərin qaldırdıqalrı bəzi sosial problemlər yerindəcə həll edilib.
Bəzi seçicilərin problemləri əlaqədar dövlət qurumları ilə birgə yerindəcə həll edilib, bəzilərinin isə ərizə və şikayət məktublarının aidiyyatı orqanlara göndərilməsi üçün tapşırıqlar verilib. Bildirilib ki, Millət vəkili Cavid Qurbanov daim Kəlbəcər rayonundan olan seçicilərin problemlərini diqqət mərkəzində saxlayır, onların problemlərinin həlli üçün əlindən gələn köməkliyi göstərir.
Həbib Misirov bildirib ki, qaçqın və məçburi köçkün soydaşlarımızın qayğı və problemlərinə hər zaman diqqətlə yanaşılması, onların problemlərinin həllinə köməklik göstərilməsi daim dövlətimizin ən prioritet məsələlərindən biridir. Bu işdə Ölkə Prezidenti İlham Əliyev siyasətinə dəstək olmaq, onun bütün mütərəqqi ideyalarını və qərarlarını layiqincə həyata keçirmək isə vətəndaşlarla işləyən hər bir məsul şəxsin borcudur.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !