Əbülfəs Qarayev Musiqili Teatrın əməkdaşını mükafatlandırıb -

Əbülfəs Qarayev Musiqili Teatrın əməkdaşını mükafatlandırıb

Azərbaycan Dövlət Musiqili Teatrının konsertmeysteri Nərminə Əbdürəhmanovanın bu günlərdə 60 yaşı tamam olur. Mədəniyyət və Turizm Nazirliyi milli teatr sahəsində uzunmüddətli, səmərəli fəaliyyətinə görə və anadan olmasının 60 illiyi ilə əlaqədar tanınmış pianoçunu təbrik edib və mükafatlandırıb.

 

Əbdürəhmanova Nərminə Məşədi Ağa qızı 24 dekabr 1956-cı ildə Bakı şəhərində anadan olub. 1976-ci ildə Asəf Zeynallı adına Musiqi məktəbinin “Fortopiano” fakultəsini, 1981-ci ildə Bakı Musiqi Akademiyasını bitirib. Əmək fəaliyyətinə Sumqayıt şəhəri S. Hacıbəyov adına Musiqi məktəbində müəllimə kimi başlayıb. 1995-ci ildə Azərbaycan Dövlət Musiqili Teatrının (o vaxtki Azərbaycan Dövlət Musiqili Komediya Teatrının) vokal sinfi üzrə konsertmeyster vəzifəsinə təyin olunub. Teatrda işlədiyi müddət ərzində bir çox tamaşalara konsertmeysterlik edib. O cümlədən, “Qısqanc ürəklər” (Ramiz Mirişli, Marat Haqverdiyev), “Qızıl toy” (Oktay Kazımov, Ramiz Heydər), “Subaylarınızdan görəsiniz”, “Hərənin öz ulduzu”, (Süleyman Ələsgərov, İsi Məlikzadə), “Nəğməli Könül” (Emin Sabitoğlu, Xalidə Hasilova), “Səhnədə məhəbbət” (Sərdar Fərəcov, Əli Əmirli), “Talelər qovuşanda” (Rauf Hacıyev, Faiq Zöhrabov, Elxan Ocaqov), “Bir günlük siğə”, (Sərdar Fərəcov, Rəşad Nuri Güntəkin), “www.ferzeli-kef.com” (Emin Sabitoğlu, Cahangir Məmmədov) və başqa tamaşaların hazırlanmasında Nərminə xanımın böyük əməyi olub. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !