Bakcell şirkətinin nümayəndələri və AFFA-nın rəhbərliyi "Mançester Yunayted" dördüncü Yay futbol məktəbinin qalibləri ilə görüş keçiriblər - + FOTO ( AZpress.AZ - Nail Əhmədov)

Bakcell şirkətinin nümayəndələri və AFFA-nın rəhbərliyi "Mançester Yunayted" dördüncü Yay futbol məktəbinin qalibləri ilə görüş keçiriblər + FOTO ( AZpress.AZ - Nail Əhmədov)

Azərbaycanın ilk mobil operatoru və aparıcı mobil internet provayderi olan Bakcell şirkətinin nümayəndələri və AFFA-nın rəhbərliyi "Mançester Yunayted" dördüncü Yay futbol məktəbinin qalibləri ilə görüş keçiriblər.
Bakı Olimpiya Stadionunda keçirilən görüşdə təlim zamanı yüksək nəticə əldə edən 5 gəncə Mançesterə səfər etmək hüququnu verən sertifikat təqdim edilib.
10-15 dekabr tarixləri arasında baş tutacaq İngiltərə səfəri zamanı gənc istedadlar "Mançester Yunayted" klubu ilə tanış olacaq və klubun oyununu izləyəcəklər. Səfərin bütün xərcləri Bakcell şirkəti tərəfindən qarşılanır.
Bakcell şirkətinin baş marketinq və satış direktoru Fedja Hadziç tədbirdə çıxış edərək bildirdi ki, Mançesterə səfər edən gənclər ilk öncə Azərbaycanı, daha sonra isə üzvləri olduğu futbol klubunu layiqincə təmsil edəcəklər: “AFFA və Mançester Yunayted ilə birgə tərəfdaşlıq çərçivəsində hər il təşkil etdiyimiz Mançester Yunayted Yay Futbol Məktəbində uşaqlar üçün əlimizdən gələn şəraiti yaratmağa çalışırıq. Bu uşaqlar Azərbaycan futbolunun gələcəyi və hər birimizin fəxridir. Ümidvarıq ki, hər il olduğu kimi, bu il də Mançesterə səfər edən gənclər ilk öncə Azərbaycanı, daha sonra isə üzvləri olduğu futbol klubunu layiqincə təmsil edəcəklər. Bakcell, AFFA və “Mançester Yunayted” futbol klubu adından bu gənc, istedadlı futbolçularımıza uğurlar arzu edirik".
AFFA-nın baş katibi Elxan Məmmədov da gənc yetənəklərə uğurlar arzu edib və Bakcell şirkətinə bu layihəyə görə təşəkkür edib: "Azərbaycan Futbol Federasiyaları Assosiasiyası artıq 4-cü ildir ki, Bakcell şirkəti ilə birgə "Mançester Yunayted” Yay Futbol Məktəbinin təşkilində əməkdaşlıq edir. "Mançester Yunayted” Yay Futbol Məktəbi ölkəmizdə uşaq futbolunun inkişafında və kütləvi futbolun təbliğində vacib rol oynayır. Bakıda təşkil olunan məşqlərdə fərqlənmiş uşaqlar İngiltərənin Mançester şəhərinə səfər etmək, Old Trafford stadionunda olmaq, "Mançester Yunayted" klubunun düşərgəsində bir müddət vaxt keçirmək imkanı əldə edir və bütün bunlar uşaqların futbola sevgisini artırmaqla yanaşı, yaddaşlarına silinməz xatirələr həkk edir. Bu layihənin uzun illər ərzində davam edəcəyinə ümid edir, Bakcell şirkətinin Azərbaycan futboluna göstərdiyi dəstəyi yüksək qiymətləndirir, əməkdaşlığımızın gələcəkdə də müsbət nəticələr verəcəyinə inanırıq".
Qeyd edək ki, bu ilin sentyabr ayında “Mançester Yunayted” Yay Futbol Məktəbində “Mançester Yunayted” futbol məktəbindən Azərbaycana ezam olunan məşqçilər tərəfindən keçirilən təlim-məşq toplanışında AFFA-nın dəstəyilə təşkil olunan seçimlərdən uğurla keçmiş 9-12 yaşlı 32 gənc istedad iştirak edib. Təlim-məşq toplantısının bütün iştirakçılarına “Mançester Yunayted” klubu tərəfindən xüsusi sertifikat təqdim olunub və ən yaxşı nəticələr nümayiş etdirən 5 məzun Mançesterə səfər etmək imkanına sahib olub.
Onu da qeyd etmək lazımdır ki, Bakı Olimpiya Stadionunda daimi fəaliyyət göstərən “Mançester Yunayted” Futbol Məktəbində 98 uşaq futbol üzrə bilik və bacarıqlarını artırırlar. Onlardan 6 nəfər bu yay təşkil edilən Mançester Yunayted Yay Futbol Məktəbinin məzunlarıdır. Məktəbin “Manchester United Baku” komandası isə U-13 liqasında oynayır və layiqli nəticələr nümayiş etdirir.

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !