Azərbaycan Dövlət Kukla Teatrının səhnəsində Türkiyənin məşhur Türk kölgə oyunu Qaragöz tamaşası nümayiş olunacaq -

Azərbaycan Dövlət Kukla Teatrının səhnəsində Türkiyənin məşhur Türk kölgə oyunu “Qaragöz” tamaşası nümayiş olunacaq

Abdulla Şaiq adına Azərbaycan Dövlət Kukla Teatrı balaca tamaşaçılarını daha bir səhnə sürprizi ilə sevindirəcək. Bu dəfə qardaş ölkənin teatr təmsilçilərinin iştirakı ilə. Belə ki, 19 may saat 14: 00-da teatrın səhnəsində Türkiyənin məşhur Türk kölgə oyunu “Qaragöz” tamaşası nümayiş olunacaq.

Türkiyə Mədəniyyət və Turizm Nazirliyinin dəstəyi, UNİMA Azərbaycan Milli Mərkəzinin təşəbbüsü və Azərbaycan Dövlət Kukla Teatrının təşkilatçılığı ilə baş tutacaq tamaşanı Bakıdakı bir neçə internat və uşaq evlərinin balaca teatrsevərləri izləyəcəklər.

Onu da qeyd edək ki, təxminən 7 əsr bundan əvvəl Türkiyədə məscid inşa edən iki ustanın - Qaragöz və Hacıvartın həyatından bəhs edən ”Qaragöz” tamaşası Azərbaycanda bundan əvvəl də nümayiş etdirilib və hər dəfə tamaşaçıların rəğbətini qazanıb. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !