Məzahir Süleymanzadə: - Şairin nə vecinə, Öz şeirini yazacaq...

Məzahir Süleymanzadə: Şairin nə vecinə, Öz şeirini yazacaq...

Bu dünya belə gəlib,
Bax, belə də gedəcək...
Biri günah işlədib,
Sonra tövbə edəcək...


Birinin sökdüyünü,
O birisi tikəcək...
Birinin şum yerini,
Bir başqası əkəcək...


Biri yaltaqlıq edib,
Yüksəyə ucalacaq...
Biri Vətəndən gedib,
Cavankən qocalacaq...


Bir molla cır səsilə,
Zəhləmizi tökəcək...
Biri sovet dövrünün,
Həsrətini çəkəcək...


Bir məmur öz yerinə,
Nəvəsini qoyacaq...
O da babası kimi,
Camaatı soyacaq...


Oğlan yolun azacaq,
Qız əhdini pozacaq...
Şairin nə vecinə,
Öz şeirini yazacaq... 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !