Məzahir Süleymanzadə: - Allah bilə - bilə bizi ayırdı...

Məzahir Süleymanzadə: Allah bilə - bilə bizi ayırdı...

Allah bilə - bilə bizi ayırdı,
Vallah, gülə - gülə bizi ayırdı...


Qəlbimdə o boyda məhəbbət vardı,
Düşündü, bu hələ mənimçün azdı...
Səni həyatımdan alıb apardı,
Mənim taleyimi yenidən yazdı...
Allah bilə - bilə bizi ayırdı,
Vallah, gülə - gülə bizi ayırdı...


Qəflətən üzüldü əlin - əlimdən,
Sən mələk qanadlı bir quşa döndün.
Yayın ortasında, qızmar bir gündə,
Qəlbimi üşüdən bir qışa döndün...
Allah bilə - bilə bizi ayırdı,
Vallah, gülə - gülə bizi ayırdı...


Tanrı məsləhəti yəqin beləymiş,
Səni qovuşdurdu əbədiyyətə.
Vüsala yetməmiş, kama çatmamış,
Məni məhkum etdi dərdə, həsrətə...
Allah bilə - bilə bizi ayırdı,
Vallah, gülə - gülə bizi ayırdı ... 

 

 

 

Məzahir Süleymanzadə, tanınmış publisist-jurnalist
 

 

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !