20 Yanvar şəhidlərinin xatirəsi laçınlılar tərəfindən də anıldı - FOTO ( AZpress.AZ - Mais İbrahimov, Ağcabədi)

20 Yanvar şəhidlərinin xatirəsi laçınlılar tərəfindən də anıldı FOTO ( AZpress.AZ - Mais İbrahimov, Ağcabədi)

 “20 Yanvar faciəsinin iyirmi altıncı ildönümünün keçirilməsi ilə bağlı tədbirlər planı haqqında” Azərbaycan Respublikası Prezidentinin Administrasiyası rəhbərinin 15 dekabr 2015-ci il tarixli, 96 nömrəli sərəncamı ilə təsdiq edilmiş Tədbirlər Planına uyğun olaraq, Laçın Rayon İcra Hakimiyyəti başçısının sərəncamı ilə müvafiq tədbirlər planı tərtib edilmiş, tədbirlər planına uyğun olaraq rayonda bir sıra silsilə tədbirlər keçirilmişdir.
05 yanvar 2016-cı il tarixdən başlayaraq, 20 Yanvar gününün Azərbaycanın suverenliyi, istiqlaliyyəti və ərazi bütövlüyü uğrunda mübarizənin rəmzi kimi qeyd edilməsi ilə əlaqədar rayonun idarə və müəssisələrində, həmçinin kənd icra nümayəndəliklərində anma mərasimlərinin keçirilməsi təşkil edilmiş, Taxtakörpü qəsəbəsində “Şəhidlərin xatirə kompleksi” ətrafında təmizlik və abadlıq işləri aparılmışdır. Rayonun bütün tədris müəssisələrində yanvarın 19-da Qanlı Yanvar faciəsinə həsr edilmiş xüsusi dərsin aparılması təmin olunmuşdur.
Yekun olaraq Rayon İcra Hakimiyyətinin təşkilatçılığı ilə 20 yanvar 2016-cı il tarixdə geniş ümumrayon tədbiri keçirilmişdir. Rayon məktəblilərinin hazırladığı faciə qurbanları şagirdlərin gözü ilə adlı sərginin nümayiş olunması ilə başlayan tədbir, faciə qurbanlarının xatirəsinin bir dəqiqəlik sükutla yad olunmasından sonra, Taxtakörpü qəsəbəsində və ətraf rayonlarda fəaliyyət göstərən idarə və müəssisələr, ərazidə fəaliyyət göstərən bütün məktəb kollektivlərinin iştirakı ilə “Şəhidlərin xatirə kompleksi” ziyarət olunmuş, önünə gül dəstələri qoyulmuşdur. Sonra tədbir “Şəhidlərin xatirə kompleksi”nin qarşısında davam etdirilmişdir. Rayon İcra Hakimiyyətinin başçısı Akif Səlimov faciənin baş vermə səbəblərindən danışaraq, dövlətimizin müstəqilliyinin əldə edilməsində faciə qurbanlarının misilsiz xidmətlərini xüsusi qeyd etmişdir. Eyni zamanda rayon rəhbəri bildirmişdir ki, Ümummilli liderimiz Heydər Əliyev 1993-cü ildə xalqın təkidli tələbi ilə hakimiyyətə qayıtdıqdan sonra Azərbaycan tarixində Qanlı Yanvar faciəsi kimi yadda qalan 1990-cı ilin 20 Yanvar hadisələrinin səbəbləri və nəticələri daha dəqiq araşdırılmış və müstəqil Azərbaycan Respublikası 1994-cü ildə 20 Yanvar faciəsinin hərbi təcavüz və cinayət kimi tam siyasi-hüquqi qiymətini vermişdir.
Tədbirdə çıxış edən digər rayon ictimaiyyətinin nümayəndələri də faciənin baş vermə səbəblərindən danışaraq, bu hadisələrin təşkilatçıları olan Mixail Qorbaçov və o zamankı Azərbaycan rəhbərlərini cəzalandırılmasını tələb etmişlər. Sonda rayon məktəblilərinin 20 Yanvar faciəsi ilə bağlı hazırladığı kompozisiya nümayiş olunmuşdur.
20 yanvar 2016-cı il tarixdə Bakı şəhərində Laçın rayon ictimaiyyəti nümayəndələrinin Şəhidlər Xiyabanını ziyarət etmələri təşkil olunmuşdur.
Eyni zamanda Tədbirlər Planına uyğun olaraq, 20 Yanvar günü Taxtakörpü ərazisində faciənin ildönümü ilə bağlı matəm əlaməti olaraq kənd və qəsəbələrdə, rayonun bütün inzibati idarələrində faciə qurbanlarının xatirəsini yad etmək məqsədilə dövlət bayraqlarının endirilməsi təşkil olunmuş, gün ərzində qəsəbə ərazisində matəm musiqisinin səsləndirilməsi, saat 12:00-da rayon sakinlərinin müvəqqəti məskunlaşdıqları ərazilərdə şəhidlərin xatirəsinin bir dəqiqəlik sükutla yad edilməsi və avtomobillərdən səs siqnallarının verilməsi təmin olunmuşdur.
 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !