SOCAR: - Boots&Coots şirkətinin yanğının söndürülməsində istifadə edəcəyi avadanlıqlar 10 nömrəli özülə çatdırılıb

SOCAR: “Boots&Coots” şirkətinin yanğının söndürülməsində istifadə edəcəyi avadanlıqlar 10 nömrəli özülə çatdırılıb

“Boots&Coots” şirkətinin mütəxəssisləri “Günəşli” yatağının 10 nömrəli dərin dəniz özülündəki yanğının söndürülməsi ilə əlaqədar plan hazırlayıblar. Həmin şirkətə məxsus avadanlıqlar gəmilərlə özülə çatdırılıb və hazırda bu qurğuların boşaldılması işi aparılır.

Bu barədə AZƏRTAC-a Azərbaycan Respublikası Dövlət Neft Şirkətinin (SOCAR) “Azneft” İstehsalat Birliyində yaradılan qərargahdan məlumat verilib. Bildirilib ki, hazırda həm “Neft daşları” neft və qazçıxarma idarəsinin ərazisində itkin düşmüş 3 neftçinin, həm də “Günəşli” yatağındakı 10 nömrəli özüldəki qəza nəticəsində itkin düşmüş 23 neftçinin axtarışları davam etdirilir. Axtarışlara Fövqəladə Hallar Nazirliyinin (FHN) 3 gəmisi, 3 helikopteri və bir dənizə enə bilən “B-200ÇS” təyyarəsi cəlb olunub. Bundan başqa, Dövlət Sərhəd Xidmətinin 2 və SOCAR-ın 1 gəmisi axtarışlar aparırlar. Həmçinin, Dövlət Sularda Xilasetmə və Xüsusi Riskli Xilasetmə xidmətlərinin 65 nəfərə yaxın canlı qüvvəsi də sahilboyu müşahidə işləri aparırlar. Yanğının söndürülməsinə isə hazırda 6 gəmi cəlb olunub. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !