ADU-da klassik Çin rəqsinə həsr olunmuş tədbir keçirildi - FOTO

ADU-da klassik Çin rəqsinə həsr olunmuş tədbir keçirildi FOTO

24 noyabr 2015-ci il tarixində Azərbaycan Dillər Universitetində (ADU) universitetin Çin dili və mədəniyyəti mərkəzinin təşkilatçılğı ilə “Azərbaycan və Çin rəqs sənəti” adlı musiqili bədii tədbir keçirildi.
Açılış nitqi ilə çıxış edən Çin dili və mədəniyyəti mərkəzinin direktoru, professor Rafiq Abbasov Azərbaycan-Çin humanitar əməkdaşlığının inkişafı, həmçinin iki ölkənin mədəniyyət günləri haqqında ətraflı məlumat verdi. Rafiq Abbasov Ümummilli lideri Heydər Əliyevin və onun layiqli davamçısı Prezident İlham Əliyevin Çin Xalq Respublikasına səfərləri zamanı incəsənət sahəsində ikitərəfli mədəni mübadilələrin genişləndirilməsi üçün iki ölkə arasında əməkdaşlıq haqqında imzalanmış müqavilələrin əhəmiyyətini vurğuladı.
Azərbaycan Milli Konservatoriyasının Tədris işləri üzrə prorektoru Malik Quliyev Azərbaycanda xalq rəqslərinin xüsusiyyətlərindən danışdı. O, Azərbaycan Milli Konservatoriyasının Çin İncəsənət Universitetləri ilə yaradıcı əlaqələrdən söz açdı.
Öz yaradıcılığı haqqında məlumat vərən Azərbaycan Dövlət Opera və Balet Teatrının balet truppasının aparıcı solisti Tamila Məmmədzadə Azərbaycanın görkəmli bəstəkarı Qara Qarayevin "Yeddi gözəl" baletində yaratdığı “Çin gözəli” obrazının ifası haqqında danışdı.
ADU-nun Regionşünaslıq və Beynəlxalq Münasibətlər fakültəsinin tələbələri Çin xalq rəqslərinin tarixi, xüsusiyyətləri və növləri, eyni zamanda iki ölkənin milli rəqs qruplarının Azərbaycan və Çinə səfərlərindən söhbət açdı.
Sonda Çinşünaslıq ixtisası üzrə təhsil alan tələbələr Çin rəqsləri “Ay ilahəsi”, “Xoşbəxt günlər”, “Pələng rəqsi” və Azərbaycanın milli rəqslərini ifa etdilər. Tədbirdə ADU-nun Tədris işləri üzrə prorektoru, doktor Vazeh Əsgərov, Çin Xalq Respublikasının Azərbaycandakı səfirliyinin mədəniyyət üzrə müşaviri cənab Çen və müşavir köməkçisi cənab Li iştirak edirdilər.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !