Sumqayıt Dövlət Dram teatrında Hacı Qara komediyasının premyerası keçirildi - FOTO

Sumqayıt Dövlət Dram teatrında “Hacı Qara” komediyasının premyerası keçirildi FOTO

Sumqayıt Dövlət Dram teatrında 17.11.2015 tarixində Azərbaycan dramaturgiyasının banisi Mirzə Fətəli Axundzadənin “Hacı Qara” komediyasının premyerası keçirildi. Teatrın direktoru İslam Həsənov qonaqları salamladı, tamaşanın quruluşçu rejissoru və musiqi tərtibatçısı Firudin Məhərrəmovu təqdim etdi və daha sonra tamaşa nümayiş olundu.
Əməkdar artist Firudin Məhərrəmovun özünəməxsus rejissor yanaşmasıyla daha da mükəmməlləşən tamaşa aktyor heyətinin qüsursuz oyunu ilə tamaşaçıların, media numayəndələrinin, dəvət olunan ziyalıların diqqətini çəkə bildi. Tamaşadan sonra Sumqayıt tamaşaçılarının müsbət rəyi teatr kollektivinə əvəzsiz hədiyyə oldu.
“Hacı Qara” komedyası XIX əsrin 30-40-cı illərində Azərbaycan həyatının reallıqlarını özündə eks etdirir. Rus –çar müstəmləkə siyasətinin və onun sərt qanunlarının Azərbaycan xalqının yaşam tərzi, adət-ənənələri ilə ziddiyət təşkil etməsi komediyanın əsas qayəsidir.
Hadisələr Qarabağda cərəyan edir. Rus çar müstəmləkə siyasəti nəticəsində müflisləşmiş Azərbaycan bəyi Heydər bəyin pulsuzluq ucbatından evlənə bilməməsi və bundan ötrü tacir Hacı Qaradan pul borc alıb Təbrizdən qaçaq mal gətirmək istəməsi, müfdə borc verməyə öyrəşməyən xəsis Hacı Qaranın da qazanc əldə etmək üçün ona qoşulması və nəticədə rus-erməni yasavulları tərəfindən yoxlanılmaları süjet xəttinin əsasını təşkil edir.
Tamaşa musiqili satirik-komediya janırındadır.Mahnı və musiqilər tamaşaya xüsusi rəng verir ona daha da baxımlı edir. Rolları əməkdar artistlər İlahə Səfərova, İzaməddin Bağırov, aktyorlar Akif Mirzəyev, Cəlal Məmmədov, Rövşən Əsgərov, İlahə Səfərli, Elmir Mehdiyev, Mətləb Səfərli, İlqar İbrahimov, İlham Səfərli, Şəmistan Süleymanlı, Dağlar Rüstəmov, Rövşad İlyasov və Siyavuş Mahmudov canlandırır.
 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !