Dubayda yanğınlar reaktiv uçan aparatlarla söndürüləcək -

Dubayda yanğınlar reaktiv uçan aparatlarla söndürüləcək

Birləşmiş Ərəb Əmirliklərinin Dubay Mülki müdafiə komitəsi Yeni Zelandiyanın “Martin Aicraft” şirkətinə göydələnlərdə yanğınların qarşısını almaq üçün 20 kürəyə bərkidilən fərdi uçan aparat (ingiliscə Jetpack) sifariş verib.

“Martin Aircraft” şirkəti artıq bir neçə ildir “Jetpack”ların layihələndirilməsi üzərində iş aparır. Şirkət ilk modeli 2016-cı ildə buraxmağı planlaşdırır. Reaktiv aparatlar vertikal hərəkət etməsinə və hündür yerlərə daxil ola bilməsinə görə yanğınların söndürülməsi üçün əlverişli hesab edilir.

Bildirilir ki, Dubay Mülki müdafiə komitəsi ilk dəfə deyil belə qurğulardan istifadə edir. Belə ki, ötən il komitə ucqar yerlərdə yanğınların söndürülməsi üçün 15 pilotsuz uçan aparat alıb.

Dubayda dünyanın ən hündür binalarının tikilməsinə görə şəhərdə reaktiv aparatlardan istifadəyə kəskin ehtiyac duyulur. Dubay mühəndislərinin gələcəkdə də göydələnlərin inşasını planlaşdırması səbəbindən 304,8 metr hündürlüyə qalxa bilən “Jetpack” yanğınların söndürülməsi üçün yararlı ola bilər, - “Qazeta” yazır.  

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !