Prezident İlham Əliyev Birinci Avropa Oyunlarının çempionu Toğrul Əsgərova qızıl medalı təqdim edib - FOTO

Prezident İlham Əliyev Birinci Avropa Oyunlarının çempionu Toğrul Əsgərova qızıl medalı təqdim edib FOTO

Birinci Avropa Oyunlarında Azərbaycanın aktivinə daha bir qızıl medal yazılıb. İyunun 17-də Heydər Əliyev adına İdman Sarayında Azərbaycan pəhləvanı Toğrul Əsgərov bütün rəqiblərini məğlub edərək birinci Avropa Oyunlarının çempionu olub.

Azərbaycan Respublikasının Prezidenti İlham Əliyev, xanımı, “Bakı-2015” birinci Avropa Oyunları Təşkilat Komitəsinin sədri Mehriban Əliyeva və ailə üzvləri final qarşılaşmasını izləyiblər.

Olimpiya çempionu Toğrul Əsgərov 65 kiloqram çəki dərəcəsində səkkizdəbir finala yüksəlmək üçün əvvəlcə rusiyalı İlyas Bekbulatovu 8:7 hesabı ilə məğlub etdi. O, səkkizdəbir finalda moldovalı Mixail Sava ilə qarşılaşdı və 10:0 hesabı ilə qalib gəldi. Yarışın dörddə bir finalında isə idmançımızın rəqibi fransalı Maksim Fiquen oldu və bu qarşılaşmadan da Toğrul 10:0 hesabı ilə qalib ayrıldı. Yarımfinalda Belarus idmançısı Azamat Nurikovu 7:2 hesabı ilə məğlub edən Olimpiya çempionumuz finalda İtaliya təmsilçisi Frank Markez Kamizo ilə üz-üzə gəldi. Toğrul Əsgərov bu görüşü təmiz qələbə ilə başa vurdu və birinci Avropa Oyunlarının çempionu oldu, xalqımıza növbəti qələbə sevinci yaşatdı. Toğrul Əsgərovun bu qələbəsi ilə Azərbaycanın aktivinə yazılan qızıl medalların sayı 9-a çatdı.

Sonra mükafatların təqdimetmə mərasimi oldu.

Azərbaycan Prezidenti İlham Əliyev qalib idmançılara medalları təqdim etdi.

Bu qələbə münasibətilə Azərbaycanın dövlət himni səsləndirildi, üçrəngli bayrağımız ucaldıldı. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !