BDU-da Dəniz və enerji hüququ sahəsində əməkdaşlığın perspektiv istiqamətləri mövzusunda tədbir keçirilib - FOTO

BDU-da “Dəniz və enerji hüququ sahəsində əməkdaşlığın perspektiv istiqamətləri” mövzusunda tədbir keçirilib FOTO

 Bakı Dövlət Universitetinin hüquq fakültəsi ilə ABŞ-ın Tuleyn Universitetinin hüquq fakültəsinin birgə əməkdaşlığına həsr olunmuş “Dəniz və enerji hüququ sahəsində əməkdaşlığın perspektiv istiqamətləri” mövzusunda tədbir keçirilib. Universitetin rektoru, akademik Abel Məhərrəmov tədbirin əhəmiyyətindən və universitetlərarası münasibətlərdən söz açıb. BDU və Tuleyn Universiteti arasında 2012-ci ildə imzalanan niyyət protokoluna əsasən hüquq fakültəsinin iki tələbəsinin Tuleyn Universitetinin hüquq fakültəsində dəniz hüququ və enerji hüququ üzrə magistratura ixtisaslarında təhsil aldığını qeyd edən rektor bu layihənin gerçəkləşməsində SOCAR-ın maliyyə dəstəyi göstərdiyini xüsusilə qeyd edib.
ABŞ-ın ölkəmizdəki səfiri Robert Sekuta çıxışında universitetlərarası əməkdaşlıqdan söz açıb və tədbirin həm də ölkələrarası münasibətlərə müsbət töhfə verəcəyini qeyd edib. Tədbirdə həmçinin BDU-nun hüquq fakültəsinin dekanı, professor Əmir Əliyev və Tuleyn Universitetinin hüquq fakültəsinin dekanı Devid Mayer çıxış edib. Sonra hüquq fakültəsinin Tuleyn Universitetində dəniz və enerji hüququ üzrə magistratura ixtisaslarında təhsil almış iki tələbəsinə «ikili diplom» təqdim edilib.
Tədbirdə həmçinin Azərbaycan Respublikası Dövlət Dəniz Administarasiyası ilə Bakı Dövlət Universiteti arasında anlaşma memorandumu imzalanıb. Memorandumu rektor Abel Məhərrəmov və Administrasiyanın rəisi Qüdrət Qurbanov imzalayıblar. Memorandum BDU-nun hüquq fakültəsində dəniz hüququ və enerji hüququ üzrə təhsil alan tələbələrin bu qurumda təcrübə keçmələri, birgə əməkdaşlıq kimi məsələləri nəzərdə tutur.

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !