Gənc Liderlər üçün Qış Universiteti – Kreativ Başlanğıc layihəsinin bağlanış mərasimi keçirilib - FOTO (YENİLƏNDİ)

“Gənc Liderlər üçün Qış Universiteti – Kreativ Başlanğıc” layihəsinin bağlanış mərasimi keçirilib FOTO (YENİLƏNDİ)

17 mart tarixində Park İnn Hotelində “İRƏLİ” İctimai Birliyinin təşkilatçılığı və Azərbaycan Respublikası Gənclər və İdman Nazirliyinin dəstəyi ilə “Gənc Liderlər üçün Qış Universiteti – Kreativ Başlanğıc” layihəsinin bağlanış mərasimi keçirilib.
Mərasimi giriş sözü ilə açan “İRƏLİ” İctimai Birliyinin baş katibi Azər Abdullayev universitet layihələrinin gənclər arasında maraqla qarşılandığını və bu layihələrin gənc liderlərin aşkarlanmasında, müxtəlif sahələr üzrə bilik və bacarıqlarının artırılmasında böyük rol oynadığını qeyd edib.
Tədbirdə çıxış edən Bakı şəhər Gənclər və İdman Baş İdarəsinin rəisi Raqif Abbasov qeyd edib ki, hər növbəti il universitet layihələrində gənclərin aktivliyi daha çox hiss olunur: ““İRƏLİ” yay və qış universitetləri kimi maraqlı layihələri gerçəkləşdirərək bir daha onu sübut edib ki, öz ətrafında kreativ düşüncəli, azərbaycançılıq ideyasına, vətəninə sadiq gəncləri birləşdirib”.
“İRƏLİ” İctimai Birliyinin sədri Rauf Mərdiyev çıxışında bildirib ki, “İRƏLİ” İctimai Birliyinin ənənəvi olaraq keçirdiyi Gənc Liderlər üçün Yay və Qış Universitet layihələri ən tanınan, sevilən layihələrdən biridir: ““İRƏLİ” Azərbaycanın inkişafı üçün çalışır və bunu öz fəaliyyətində daim real nəticələrlə sübut edir. Real nəticələr gənclərin bu gün qazandığı uğurlar və nailiyyətlərdir”. Rauf Mərdiyev qeyd edib ki, bu gün ölkədə aparılan uğurlu gənclər siyasətində “İRƏLİ” İctimai Birliyi də öz töhvəsini verir: “Uzun illərdir gəncləri əhatə edən müxtəlif istiqamətdə layihələr keçiririk. Hər zaman dəyər və prinsiplərimizə sadiq qalır, öz yolumuzda dönmədən irəliləyir və məqsədimizə doğru addımlayırıq. Cənab Prezident İlham Əliyev tərəfindən hər zaman gənclərə göstərilən diqqət və etimadı fəaliyyətimizlə doğrultmağa çalışırıq”.
Mərasimdə Qış Universitetində qalib gələn “Tərəqqi” komandası olmaqla, bütün komandalara diplomlar təqdim olunub. Eyni zamanda tədbirdə layihə ilə bağlı çəkilmiş film nümayiş olunub.
Qeyd edək ki, “Gənc Liderlər üçün Qış Universiteti – Kreativ Başlanğıc” layihəsi 5-8 fevral 2014-cü il tarixlərində Bakıda Qafqaz Point Hoteldə baş tutub. 4 gün müddətində 100 gənc lider gəncləri əhatə edən müxtəlif və gündəmdə olan mövzular üzrə ölkənin aparıcı ekspertləri ilə görüşüb, fikir mübadiləsi aparıblar.
Gənc Liderlər üçün Yay və Qış Universitetləri “2009-cu ildən başlayaraq indiyədək Qazax, Sabirabad, Oğuz, Qəbələ və Gəncə şəhərində keçirilib və ümumilikdə Azərbaycanın ən fəal və potensiallı 600 nəfər gənci bir araya gətirib.

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !