SEVGİMDİ... - - Əbülfət MƏDƏTOĞLU yazır..

SEVGİMDİ... - Əbülfət MƏDƏTOĞLU yazır..

SEVGİMDİ

 

Kim hesab olsam da nəzərlərində
Mənim sığındığım yuva - sevgimdi...
Ömrümün açılan səhərlərində -
Allaha və sənə dua -sevgimdi!..

 

Bəlkə də artıqdı yolu yormağım
Boşluğa uzanmış qolu yormağım...
Hər gün "Ol!"- söyləyib - olu yormağım -
Od, hava,torpağa, suya sevgimdi...

 

Qalıb ümidimin ayağı yalın
Torlanan gözümün pərdəsi qalın...
Məni dan üzünün suyuna salın -
Deyin, sifarişçi guya, sevgimdi...

 

Ruhum pərvanədi, könlüm yazçəkən
Kimdi bu sevgimdən çox, ya az çəkən?!
Nə sən naz dəlisi, nə mən naz çəkən -
Bizim aramızda " dava" - sevgimdi... 

 

                                                                                   ***

 

GETDİM

 

Başımı alıb əlimə
çıxıb getdim...
Nə sığışdısa qəlibə-
yığıb , getdim...

 

Hakim olan andan kədər
İlahi, gör mən nə qədər
Ümid evini lap hədər -
yıxıb getdim...

 

Tərpədir bir pəl vidanı
Gecikdirmə, gəl, vidanı...
Mən dişimlə əlvidanı -
sıxıb getdim!

 

Bu, şeir həvəsi kimi,
Oynatdı , nəvəsi kimi?!
Mən bir eşq dəvəsi kimi-
xıxıb getdim...

 

 

                                                                                  ***

 

İNTİHAR

 

Özümü asdım
boynundan
təkcə qollarımla yox,
həm də
üz-gözümlə,
nəfəsimlə...
dodaqlarımla...

 

Bu asılmaq
intihar deyil
qorxma...

 

sadəcə
gücün varsa,
məni,
asıldığım vəziyyətdə
ömrün
sonuna qədər
saxla!

 

 

 

 

 

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !